Ads by Google Ads by Google

LAUGA

EPERU (HEBREW)

 

O le a lea igoa poo tagata ua taua i latou o Eperu? O Eperu poo le (Hebrew) na amata mai i le aiga i le gagana 'Semitic' e lavea ai le gagana o le faa-Arapi (Aramaic) ma le gagana faa-Arapi (Arabic).

 

E tali i tutusa lava ma le gagana Ugaritic ma Phoenician (e leai se upu faa-Samoa e fetaui ai.) O le taimi o tusia le Tala faasolopito o atunuu nei i le talaaga o le lalolagi mai ia gagana.

 

O le upu lea na faaaoga e Aperaamo e faaiogaina ai latou na latou o mai i isi laufanua ma nonofo i totonu o isi atunuu (foreigner).

 

Lea pei ona taua i le (Kenese 39:14) "Ona valaau ai lea o ia i tagata o lona aiga faapea, 'Faauta ua ia au mai ia te'i tatou le tagata Eperu e ula ia tatou, na sau ia ia te au ma te momoe ma ia, ona ou alaga lea ma le leo tele."

 

Ia ma le (Esoto 2:6,7.) "Ua ia tatalaina ua iloa ai tama, faauta foi, ua tagi le tama; ona alofa lea i ai, ua faapea ane, O so le fanau a sa Eperu lenei. Ona fai mai lea o lona tuafafine i le afafine o Farao, Oute alu ea e aami se  failele o sa Eperu e sau ia te oe, na tausia le tama ma oe?"

 

I le taimi mulimuli ua taua ai o tagata Isaraelu uma e pei o le (1 Samuelu 13:3,4.) "Ua fasia e Ionatana le leoleoga a Filisitia sa i Kipea, ua faalogo i ai Filisitia. Ona ili ai lea o le pu e Saulo i le nuu uma, ua faapea ane o ia, Ia faalogo ai sa Eperu. Ua faalogo ai Isaraelu uma,ua faapea, Ua fasia e Saulo le leoleoga a Filisitia, ua inosia ai foi Isaraelu e Filisitia. Ona faapotopoto ai lea o le nuu ia Saulo i Kilikala."

 

E oo mai i le taimi nei, e le iloa le mea e tupuga ai le upu, e mafua i le (Kenese 10:21), "O Semu foi na fanaua ona atalii, o le tupuaga o le fanau uma a Eperu, o le uso o Iafeta le matua." Ao o le Feagaiga Fou lea e le'i silafia e i tatou poo ai na tusia le tusi o le Tusi Paia, e ave i tagata o Eperu, e tusi atu i ai, le 'ese'esega o le Iesu le Alo o le Atua ma le mea na o mai ai Isaraelu.

 

O le tulafono lava a Mose lea na latou tausia mai lava i le amataga lea e tausi nei i tagata Eperu, na fai ai tusitala, 'E sili Iesu i le agelu, e sili foi Iesu i Perofeta, e sili foi Iesu ia Mose.' Ma o Iesu lea e nofo i le itu taumatau o lona Tama. O le tusi nei na tusia i tagata Eperu, e tusi le tusi lea a le tusitala e le'i faaleagaina le Malumalu a Isaraelu e le Malo o Roma.

 

Mautinoa e i tatou, e sili atu Iesu i loo se isi lava tagata o le olaga lenei.

Amene!