lTA’AMILOSAGA VOLIPOLO FA’AVAOMALO 2017

Ua sauni le Asosi Volipolo a Amerika Samoa e talimalo i ‘au e tolu ua masi’i mai Samoa e tali le vala’au ina ia auai mai ni ‘au volipolo lelei mo le ta’amilosaga o le amataga o lenei tausaga “2 Samoas Volleyball Challenge.”

O ‘au masi’i mai Samoa ua maea tulaueleele i le teritori ma ua nofo sauna fo’i mo le amatala o lenei ta’amilosaga e fa’atautaia i le afiafi o le aso Fraile 20 Ianuari, 2017 i le Samoana High School Gymnasium i Utulei.

Ua fa’atulaga e amatalia ta’aloga i le itula e 5:00 i le afiafi ma fa’asolo atu ai i le po, ma toe alausu mai i ai i le aso Tocona’i atoa.

O le ‘au fili mai le motu tele o Salafai ua fa’aigoaina o le Laumua o Pule Ono i Salafai, ae o le au a Volleyball malosi a le Laumua o Tuma mai Afega, Upolu. O le lona tolu o ‘au o le Siamupini o le ta’amilosaga Under 19 a Samoa, lea ua tulaueleele ina ia fetufa’i fo’i tomai i lea fa’agatama ma talavou o le tatou malo e ala i lea fo’i fa’agatama.

Mo Amerika Samoa, ua tapena le Asosi Volipolo ma ona totino ma ‘au volipolo e to’a 10.

“Ua lava ma totoe fo’i tatou au ua mae’a fa’aulu mai e fa’atautaia ai lenei Liki mo le amataga o le tausaga, e lelei fo’i e tapena atu ai mo le isi a tatou Liki Volipolo masani mo le sisigafu’a ia Aperila,” o se fa’amatalaga lea a Josie Afu Muasau, failautusi o le Asosi Volipolo a Amerika Samoa.

“E fa’atagisia foi le fesaosoani malosi a tatou pa’aga e fiafia e maimoaina tatou ta’aloga, fa’ailoa mai lou loto nu’u ma e masi’i mai e maimoa ma tapua’ia faiva o tama i le Malae o Samoana i le aso i le afiafi. E moni lava, e malo lava le tagala ua lava tapena i le koleni ma tomai e mo’omia i so’o se fa’agatama.”

Ua fa’ailoa mai, ona ua le lava ‘au a tama’ita’i e fa’atautaia ai se vaega o lenei Liki Volipolo mo i latou, o lea ua le faia ai ni ta’aloga a tama’ita’i, ae ua faia na’o liki a ali’i matutua fa’apea ma le Under 19.

MAUA FESOASOANI E SIAKI LAU TA’AGULU

Ua fa’alauiloa mai le fa’atuina o le Kamupani “Pacific Sleep Care” ma ua fa’ailoa mai, “Afai e te moe ta’agulu tele, ua tele se avanoa ua maua ai oe i le OSA po’o le ‘Obstructive Sleep Apnea’.”

Pe afai ua maua oe i lea ma’i, o lona auga lea, o le moe ta’agulu ma e masani fo’i ona va’aia e le lelei sau moe, e te moe mate’ite’i, avea ai ma mafuaga e le malie ai lau moe pe a e maleifua mai i le taeao.

E tolu ituaiga togafitiga ua mae’a tapena e lenei kamupani latou te ofoina atu mo oe, pe afai e te afio ane i le latou Ofisa autu i Matuu, ma fa’atalatalanoa auga ua e maua ai, e iloa patino ai le ituaiga o togafitiga e ao ina e fa’aaogaina, e mafai ai ona fa’afo’ia lou faafitauli.

E ese mai nei mea uma, ae ua fa’ailoa mai e i latou, ua talia fo’i lea ituaiga o gasegase e le Inisiua a le Tricare. O le a maua uma ni tali o nisi fa’afesili pe afai o le a e vala’au mo se fesoasoani i le numera 633-2838 poo le 633-5838.