Ads by Google Ads by Google

TAUALAGA A NAI FANAU AOGA I AVE PASI “DRIVER SE FAAMOLEMOLE ALOFA MAI”

Mo le Faatonu;

 

O le tele o aso e fa'atali ai la'u pasi i luma o le Alamai fa'afesaga'i ma le CostULess ou te aga'i atu ai i le fale.  Ae fetaui lea ma le tuua o le aoga maualuga a Tafuna High School. O le tele o aso ou te alu ai i pasi e gaogao ae fa'atu mai e nai fanau aoga ae le fa'atuina e avepasi le pasi mo le pikiina o nai fanau.

 

O se vaaiga alofa i nai fanau i le taualaga mai "se fa'amolemole alofa mai" a'o nisi "driver pei lava oe e leai sau fanau". Sa o'o lava ina ua ou fai atu i le avepasi, aisea e le fa'atuina ai le pasi ae sau le tali, "e tumu ai le pasi ae ga'o le selegi le pasese."

 

O ai ea o le a mafai ai e nai fanau ona maua se fesoasoani? O le to'atele o nei fanau e te'a lava le afa o le 4 o lo'o fa'atali lava ni auala e o'o atu ai i aiga. Sa to'atele ni matua sa faitioina lea tulaga i luga o le leitio ae o'o mai i le taimi nei e le'o maua lava e nai fanau se mapusaga po'o se fesoasoani. O le tele lava o aso e fa'alaina ma timuia ai nai fanau i le fia o'o i aiga ae paga lava lea o le leai o se alofa i nei avepasi. E mafai ona molimauina lea tulaga pe a tuua aoga a le fanau. E fa'atu e le avepasi lana pasi pe a vaai i le tagata matua o le taimi lava lea e maua ai le avanoa o nai fanau e taumafai mai ai i luga o le pasi.

 

Nila Nauer