O mafuaga e ala ai ona ulaula tapa'a se tagata ma auala e taofia ai tusia: Dr. Victor Williams, P.I. E ulaula tagata i le fia fa'amalieina o o latou mana'oga 'ese'ese e tele. Ua iloa nei e le tasi se mafua'aga e ulaula ai tagata. O ni isi la nei o mafua'aga na: - O le ulaula e malosi ai lo'u tino. - O sa'u mea fiafia le ulaula. - E fesoasoani le ulaula e fa'afilemu a'u pe a ou le mautonu i se mea, pe ou te ita fo'i. - Ou te mana'o i ulaula; ou te fa'amoemoe i ai. - O le ulaula, o le amioga masani. Mo se fesoasoani ia te oe i le uia o auala e mafai ai ona e tu'ua le ulaula, ua talanoaina i lenei matauu ni auala e mafai ai ona fa'ataunu'uina mea e te mana'o i ai e aunoa ma se sikareti, ma tu'ua ai loa le ulaula. Fautuaga e fesoasoani ia te oe i le taofiga o le ulaula: - Ia lava lau malolo. A lava lau moe i le po, e ono e ala a'e ma se fa'alogoga fou ma le tiotio i le taeao e soso'o ai. - Taumafa i taimi tatau. Taumafa i mea 'ai e aoga i le tino. O mea 'ai lelei ma le aoga e maua ai le malosi fa'afouina. - Afai e oso a'e lou fia tago e 'u'u se sikareti, tago i se peni po o se penitala. - Fa'amanatu ia te oe i taimi uma tulaga taua ma le tau le soifua maloloina ua mafua ai ona e tu'ua le ulaula. Afai e te tu'ua le ulaula o le a tele atu ni isi tausaga e te soifua fiafia ai. - 'Alo 'ese mai tulaga fa'apopole mafaufau e ona fa'aoso ai lou fia ulaula. - Fa'asao se taimi i aso ta'itasi e te malolo ma fa'ato'afilemu ai lou mafaufau. Ia lava lau malolo. - Fa'amotumotu malie le fa'amutaina o lau ulaula. Fa'asolosolo malie le fa'aitiitia o au sikareti e ula i le aso pe ula tau o le 'afa o sikareti ona tia'i lea. Fa'aititia i aso ta'itasi le asu e te manavaina i totonu. - Ta'u i ou aiga ma uo ua tu'u lau ulaula. Sa'ili se fesoasoani pe a e fia mauaina. Tia'i ni sikareti o ia te oe. Tia'i fo'i ma mea ta lefulefu. Taumafai e 'alo'alo 'ese mai tagata e ulaula ma nofoaga e ulaula ai tagata. - Fa'atalitonu e oe ia oe lava fa'apea e le o oe o se tagata ulaula. Fa'atutu ni saini 'E Sa Le Ulaula'! Aua e te toe faia se mea e fa'amanatu atu ai ia te oe aso sa e ulaula ai. A te'a le masina e tasi o e faia fa'apena, o le faigofie ona e tu'ua le ulaula. E le vale sou taui! Beat Cancer by eating right and being active. Screen For Your Life! Do your annual recommended cancer screening tests! Mo ni isi fa'amatalaga, fa'amolemole, fa'afeso'ota'i ia: 699-8753. If you would like more information on the research referenced in this article, or on nutritional guidelines and cancer, please contact the American Samoa Community Cancer Network at 699-8754 or 258-6675, or the LBJTMC Nutrition Department. [Mai le fa'atonu: O lenei tusitusiga sa saunia e le fa'alapotopotoga a le Community Cancer Network of Partners mo le malamalama o le lautele. O le fa'amoemoe autu o lenei tusitusiga ia fa'alauteleina atu i le atunu'u mataupu fa'atatau i le fa'ama'i o le kanesa ina ia mafai ai e tagata taitoatasi ona faia faaiuga mo lou soifua maloloina. Afai e i ai se fesili, pe ete fia faitau auiliili i ituaiga kanesa eseese e pei ona tusitusia fa'amolemole telephone i le 633-8753, 252-4352 pe o le 258-6675. E mafai foi ona e-meli mai i le <lmyscanlan@yahoo.com>.] © Osini Faleatasi Inc. dba Samoa News reserves all rights.