Ads by Google Ads by Google

Cyclone Sarai

- SE’E ESE MAI FITI, TAPENA I AI TONGA

 

Ua mae’a nei le fasi a le Afa o Sarai i Fiti, ua fa’amauina ai le to’alua o tagata ua maliliu ai, ae ua se’e ese atu nei aga’i i Tonga.

 

O le afa o Sarai ua fa’ailoa mai e le Malo o Fiti, le tele fo’i o meatotino ua fa’aleagaina atoa ai. O falenofo o aiga, o faato’aga ua fa’aleagaina le tele o meatoto, ma le latou talafatai ua fa’aleagaina ona apitagalu, alatele ma aupa o o vaitafe ua matua faaleagaina lava i le malosi o lologa ma lea afa.

 

Ua fa’ailoa mai o le itu o Fiti o lo’o i ai Lau na o’o le malolosi o le matagi i le 170km i le itula.

 

O le to’alua lea ua lisia ua maliliu i lenei afa, o se tasi o tama sa ta’ele i le vaitafe i le taimi o lenei afa, fa’apea ma le tama na leiloa ae fa’ato’a maua lona tino maliu o opeaopea ina ua mae’a le afa o Sarai.

 

O le lona tolu o tagata o lo’o tigaina lea ma taofia i le falema’i ona ua lavea i le la’au na pa’u i le taimi o le tetele o le sofai mai o matagi malolosi i le afa o Sarai.

 

E silia ma le 2000 tagata o lo’o tausia fa’apitoa pea i nofoaga e 54 na fa’atula’ia e fesoasoani ai ia i latou na fa’aleagaina i latou falenofo i le Afa o Sarai. O le to’atele o aiga i le itu i matu, ogatotonu ma le itu i sisifo o le Atu Fiti ua motusia le eletise i o latou atufalega talu mai le po o le aso Faraile.

 

Fa’ailoa e le ali’i pule sili o le Sapalai Eletise a le Malo o Fiti, Hasmukh Patel, “O le to’atele o aiga uma o lo’o ua motusia eletise mai le motu tele o Vitilevu, lea e i ai ma Suva le laumua, o le a motusia le eletise i le tasi lelei le vaiaso.”

 

Ua fa’ailoa na toe amatalia lava galuega nei a ali’i inspectors a le Enetia i le aso Faraile ina ia mautinoa vaipanoa uma o lo’o o’o i ai le sapalai o le eletise, o lelei pea o latou laina eletisi ma so’oga a’o le’i toe fa’aola maia le paoa. E ui i le naunau, ae ua fa’atuai fo’i le galuega lenei, ona o lo’o tetele ma timuga i le atunu’u.

 

Peita’i, o le taeao ananafi sa fa’atulaga ai e to’ai taunuu ai Sarai i Tonga.