Ads by Google Ads by Google

Iuni 6, 2021: Aso Faailogaina a le EFKAS e tatalo ai mo Samoa


[ata: foa'i]

Pago Pago, AMERIKA SAMOA

 

Ua fa’atulagaina ma fa’ailogaina e le Ekalesia Fa’apotopotoga Kerisiano i Amerika Samoa (EFKAS) o le aso Sa nei, Iuni 6, 2021 o le aso tatalo mo Samoa, e pei ona fa’ailoa i se tusi ia Iuni 2, 2021 mai le le susuga i le fa’afeagaiga Rev. Nafatali Faleali’i, le Failautusi Aoao EFKAS. 

 

O lea tusi sa auina atu i ‘au Faifeau Toeaina o Pulega EFKAS, Faifeau Tausi ‘Aulotu EFKAS ma le Ekalesia Aoao  a le EFKAS.

 

“Ua faia lenei tusi i le ava tele ma le faaaloalo, e faasilasila atu ai le faamoemoe ua finagalo ‘autasi ai le Laulaufono a le Fono Tele, faapea le Laulaufono a le Komiti a le ‘Au Toeaina, mo ‘aulotu uma o le Ekalesia Faapotopotoga Kerisiano i Amerika Samoa,” o se vaega lea o le tusi a Rev. Falealii.

 

“Ua le toe po malaē i le tulaga ua i ai nei Samoa ma lona gasegase o malo. Ona o lea, ua manatu ai le Ta’ita’ifono o le Fono Tele ma le Ta’ita’ifono o le Komiti a Tamā o le Ekalesia: o le a avea le Aso Sa nei, Iuni 6, 2021, e fai ma aso faailogaina e ‘aulotu uma o le Ekalesia Faapotopotoga Kerisiano i Amerika Samoa, e tatalo ai mo Samoa ma lana faigamalo.”

 

“Tatou tatalo faatasi i le Atua mo lana amiotonu, o lana faamasinoga tonu, aemaise lona filemu ma lona manuia, ia i ai pea i luga o Samoa ma ona tagata, i lenei taimi le faigofie e pei ona feagai ai ma le faigamalo,” o le fa’aiuga lea o le tusi.