Ads by Google Ads by Google

Tala I Vaifanua


[ata: foa'i]

Pago Pago, AMERIKA SAMOA

 

$125,000 SUESUEGA FAASAEANISI TAU LE SOIFUA MALOLOINA

 

Ua fa’ailoa mai fo’i e le tatou Faipule i le Konekeresi Tali Aumua Amata ua mae’a maua fo’i e le Matagaluega o le Soifua Maloloina a le tatou Malo le tinoitupe e $125,000 ina ia fa’atautaia ai se suesuega fa’apitoa fa’asaeanisi tau le soifua maloloina o le atunuu.

 

O lea alagatupe ua toina mai le USDOH ma e fa’auia mai i le CDC ina ia mataituina fo’i ala uma e mafai ona puipuia ai le atunuu mai le tele o a’afiaga o le soifua maloloina e ala mai fa’ama’i eseese.

 

O le tinoitupe lea ua fa’amatuu mai le CDC/NCCDPH pe faia ai suesuega mautu o le afuaga o le maua o tagata o le tatou atunuu i fa’ama’i tau le fatu, lea ua va’aia ua aga’i pea i luga le aofai o tagata o le atou atunuu o lo’o ua aga’i ina maua ai, pe ua maua ai fo’i.

 

Ua fa’atulaga nei alagatupe ina ia fa’aaogaina tatau e fa’ailo ai  suesuega tau le American Samoa Behavioral Risk Factor Surveillance System [BRFSS] ma sa fa’aulu le talosaga mo lea fa’atupega e le ASDOH. O le suesuega lea e fa’asaeanisi ma e aofia ai ma suesuega ma talanoaga e faia i ala o feso’ota’iga tau telefoni.

 

“Ua fa’afetaia nei le tamaitai sui fa’atonu o Farah Utu ma le ali’i fa’atonu Motusa Tuileama Nua, ona o le mata’alia ma sogasoga ua mafai ai ona toina mai lenei  tinoitupe mo lea suesuega aoga tele i uiga ma aga e va’aia ia i latou ua atagia ma ua maua fo’i i gasegase nei. Ua fa’apea fo’i ona fa’afetaia le CDC mo lea fa’atupega ua toina mai mo le tatou matagaluega o le soifua maloloina.”

 

MEA ALIA’I SU’EGA COVID-19 MO TAGATA MALAGA MAI:

 

O le te’ena ai o le tamaita’i faigaluega i le FEMA na malaga mai e faigaluega i le tatou teritori ae ua toe fa’afo’i atu lava i le va’alele na malaga mai ai, ua toe taga’i toto’a ai le Matagaluega o le Soifua Maloloina (DOH) i aiaiga e tatau ona faia ia i latou e ulufale mai.

 

O iulai 17, lea na tulaueleele ai le va’alele a le FEMA e aumaia le latou sui, peita’i, ua te’ana ona o lo ua ia fa’ailoa ane i le aufaigaluega a le DOH, sa maua muamua lana suega o le Covid-19 o fa’amaonia o ia e ma’i, peita’i ua toe faia le isi suiga tolu aso talu mai ona maua muamua e ma’i, ae ua toe leai se ma’i ia te ia.

 

Ona o lea lava fa’aupuga ma ua fa’amaonia fo’i sa maua le suega muamua atu na fa’amaonia e maua i le COVID-19, o le ala lea na feutaga’i ai foma’i tiute i le malaeva’alele a le DOH ma faia le fa’aiuga, e toe fa’afo’i lea tamaitai faigaluega a le FEMA.

 

I le fonotaga na se’i mavae nei a le Komiti Fa’afoe o le Coronvirus ma le Kovana sa fa’ailoa atu ai e CMO Dr. Iotamo Saleapaga,  o le tamaitai faigaluega lea a le FEMA sa le tatau lava ona sau, aua sa i ai lava lana suega sa fa’ailoa ai e ia te ia siama o le Covid-19, e ui la ina ua toe faia le suega ua mama, ae o lo’o fesiligia lava lona tulaga mama atoatoa mai lea fa’ama’i pipisi. O ituaiga mea ia e tuu ai tatou i le pusa uliuli. O tagata e maua muamua ae te’i lava ua toe mama ae le’i ma’i? E a’afesiligia le tele o lona tulaga ma’i pe leai.”

 

Na faailoa mai e le alii foma’i o fa’ama’i pipisi, Dr Aifili Tufa, “E pau lava le fa’amaumauga na tu’uina mai e le FEMA o le suega lea na fa’amaonia ua le maua le tamaitai lenei i le covid-19 ma sa faia lea suega i totonu o le tolu aso ae malaga mai lenei tamaitai, peita’i o suesuega ma fa’afesili a vasega o foma’i i le malae va’alele na fa’ato’a iloa ane ai, sa mua’i maua le suega 3 vaiaso o muamua atu mai le toe suega na faia ae ua mama, o lo’o maua le tamaitai lea i le Covid-19.”

 

Fa’ailoa e le fa’atonu o le Homeland Security, Alfonso Pete Galea’i, “Masalo sa tatau ona talosagaina ma pepa tui o tagata o lo’o malaga mai e le vasega o foma’i a le DOH ina ia toe taga’i toto’a ai i le fa’asologa o tui puipuia ma suega sa faia i nei sui uma e malaga mai, pe mata o atagia mai le maua muamua i le Covid-19.”

 

Ua faailoa mai e Kovana Lolo Moliga, o le aiaiga lava o mea uma e tatau ona taulimaina e le tagata malaga mai i le atunuu i lenei vaitau, ua taoto atu lea i le Matagaluega o le Soifua Maloloina latou te fa’avasega maia, o i latou na e nafa ma lea suesuega o tagata uma i le malae va’alele. 

 

“O le vasega o tagata ulufale mai e autasia i le suesuega lea a le Matagaluega o le Soifua Maloloina, e leai ma se tasi e alofia,” o se tala lea a le kovana. 

 

O nisi o mea na tautalagia e le kovana, e susuga Tuimavave Tauapa’i e avea ma Chief Procurement Officer (CPO) e suitulaga ia Dr. Oreta Mapu Crichton, ua fa’amavae e tauva i le tofi i le Konekeresi.