Ads by Google Ads by Google

Pa le Helikopa a le NATO - 4 Amerika Maliliu Ai

Ua fa’ailoa mai le pa o le isi va’alele Helikopa a le NATO ma ua fa’ailoa mai, e to’afa i latou sa i ai i totonu, e leai se tasi o soifua mai i lea fa’alavelave. O le helikopa lea sa lele a’e i le itu i saute sisifo o Afakanisitana i le taimi tonu na tupu ai lea fa’alavelave.

O le ituaiga helikopa lea o le Black Hawk a Amerika, peita’i, o lo’o fa’aaogaina i misiona a le NATO po’o malo aufa’atasi ma e so’otau’au lava ma Amerika i galuega tau fa’anofo filemu atunu’u o sasa’e tutotonu.

Ua fa’ailoa mai, e le o ave’esea se masalosaloga o sailiga, o lo’o i ai se sao o le vaega tete’e ia Amerika ma le Nato i lea fa’alavelave, ae ua fa’ailoa mai, o lo’o masalomia mai le amataga ina ua pa le helikopa lea, ua vevela tele le la.

O se mea e ofo ai, ona o nei ituaiga o helikopa e sili lava ona anagata a Amerika, ae ua iloga mai lea si’o i le vevela o le la ae pa ai, ma e le o mapu ai lava le sailiga i le auga tonu o le fa’afitauli, e masalomia ai fo’i se faiga fa’aterarisi ua a’afia ai, ae le’i tu’uva’a ese atu le va’alele lea.

Ua fa’ailoa mai e le’i i ai ma se tasi o le vaega au a Peretania i lenei fa’afitauli, ua na’o fitafita Amerika sa i luga o le malaga lea a le helikopa ua pa nei. O se fa’amatalaga mautu lea a le Vaega o le Puipuiga o le Saogalemu a le Malo o Peretania.

O se tala mai le vaega o fitafita a le Militeri mai Kabul ua latou fa’ailoa mai i le BBC, ua mae’a fa’amauina nei le nofoaga tonu na pa ai le va’a helikopa lea, ma ua fa’atautaia pea lava su’esu’ega a le vaega a le Nato, Amerika ma Peretania.

Ua fa’ailoa mai e le Nato o lenei va’a helikopaua pa’u tonu lava i le Itu i saute i sisifo o Afakanisitana, lea e aofia ai le itumalo o Nimruz ma Helmand. Ona e le so’ona papa so’o ni Helikopa i Afakanisitana, ua faigata ona fa’apea ane, ua mafua ona pa lea va’a ona ua fanaina fo’i e le vaega tete’e, peita’i e fa’aauau pea lava sailiga  e pei ona i ai nei.

I le masina o Mati na te’a nei, e to’a 12 fitafita mai Take na fasiotia ma le to’alua o tagata sivili na latou maliliu fa’atasi ai ina ua pa se helikopa i luga ane o se fale i Kabul, Afakanisitana. I le amataga o le tausaga, i le masina o Ianuari na pa ai fo’i le va’alele helikopa muamua ma sa tupu lea mea i Helmand e to’a 30 fitafita o taua a Amerika, matele lava i le vaega fa’apitoa mo misiona e fa’ataunu’u fa’anana, ma le to’a ono o tagata Afakanistana na fasiotia ia Aukuso, 2011 ina ua fana i lalo e se roketi Talipana le Sinuki i le itu i sasa’e o Afakanisitana.

saunia: Leua Aiono Frost