Ads by Google Ads by Google

Taofi le faia o uiga tau fa'amata'u

I lenei vaitaimi, i le a'asa o fa'afitauli ua feagai ma fanau talavou po o fanau a'oga, o se tasi o ia fa'afitauli e aofia ai le fa'amata'u e tamaiti a'oga matutua o fanau iti. O lenei mata'upu ua fa'apea ona tupu i a'oga uma i totonu o Amerika Samoa.I fa'alavelave e pei o misa, lea ua tele ina tutula'i ai le to'atele o fanau talavou i luma o le ali'i fa'amasino o Fa'amasinoga Fa'aleitumalo, o John L. Ward II, ua fa'aalia e ni isi o fanau e fa'apea, ua mafua ona o latou a'afia i ia solitulafono o le fusu po o le fa'ao'olima ma le fa'atupu o vevesi i totonu o le atunu'u, ona ua o latou lelavava i le fa'amata'u o latou i totonu o a'oga i aso fai pea.O lea na a'e ai i manatu o fanau a'oga, faiaoga ma ta'ita'i o le a'oga a le Le'atele Elementary, o le a faia se fuafuaga po o sa latou gaioiga e u'una'ia ai tamaiti a'oga uma ina ia taofi le fa'amata'u po o le taufa'afefe, o leisi tamaititi a'oga i leisi tamaititi a'oga.O se va'aiga lea i le tama'ita'i faiaoga o Talivale Siaosi Hunter ma lana vasega, o lo o latou tusia ni ata e fa'ailoa atu ai i isi tamaiti a'oga le tatau ona taofi o nei uiga le alofa. STOP THE BULLYING - po o le taofi o le fa'amata'u o leisi tamaititi a'oga i leisi tamaititi a'oga - o le feau taua lea mai i nei fanau iti.