Ads by Google Ads by Google

$1piliona - Su Le Faletupe o Amerika Tau Fa’asese Nogatupe Mokesi

O le Faletupe o Amerika [Bank of America] i le tasi le Piliona Tala ina ua matauina e Loia a se tasi o Kamupani Fannie Mae & Freddie Mac - o lo’o latou feuiuia’ia le faiga o nogatupe i se ala e le mafai ai ona gafatia e tagata ua talia a latou nogatupe mokesi ona toe totogia mai peimeni.

O lea moliga o le Faletupe o Amerika ua faia lea e le ali’i Loia a le Malo Preet Bharara, o se tasi ua iloga le tula’i mai o ana finauga i so’o sana fa’amasinoga lava e tula’i ai mo e ua pagatia i ni fa’ai’uga le tusa ma le tulafono, ma e alaala lea aloia i Manhattan, Niu Ioka.

Ua tu’uaia nei e lea loia le Countryside Finances, se tasi o faletupe sa fa’atauina e le faletupe o Amerika i le 2008, i lo latou toina atu o nogatupe mokesi ia Fannie Mae & Freddie Mac. O Fannie Mae ma Freddie Mac o nisi o Kamupani a le Malo ua latou taumafai e fa’atautaia nogatupe fa’amokesi i totonu o Amerika.

E ui ina ua fa’alauiloa mai lea su tele, ae o’o mai i le taimi nei, e le’i faia mai lava se tala a le Faletupe o Amerika e tusa ai o lenei mataupu ua fa’ao’o ai i latou i le fa’amasinoga.

O le tu’ua’iga lea ua molia ai nei Countryside Finances, o le latou faia lea o se faiga nana e pasia ai pea nogatupe mokesi i se auala vave lava ae le siakia le sui o talosaga pe mata e mafai ona toe totogi le nogatupe lea.

O le vaitaimi lea ua iloga na faia ai lea faiga e le faletupe e afua mai le tausaga e 2007 se’ia o’o i le 2009. Peita’i, ua matauina, sa i ai fo’i se faiga fa’apea sa faia e le Wells Fargo ma le JP Morgan Chase. Ia Oketopa 2, 2012 na molia ai fo’i JP Morgan Chase i lo latou tau fa’aseseina o e o lo’o fa’aputu fa’ainivesi a latou teugatupe i le latou faletupe.

O le afaina na tupu, ua le mafai ona toe totogia mai le $20 piliona na toina mo nogatupe fa’amokesi sa fa’atauina atu e le Bear Stearns. Ua fa’aalia e JP Morgan, o nei nogatupe uma ua fa’ailoa mai na tupu ai lea fa’aletonu, sa faia lea e le Bear Stearns a’o le’i latou fa’atauina maia atoa le Kamupani lea.

Peita’i, ia Oketopa 10 lava ia, ua fa’aulu ai fo’i le tagi e fa’asaga i le Wells Fargo Bank, ona o faiga sese nei e faia i tupe o nogatupe mokesi a tagata. Ua fa’ailoa mai e le Malo o Amerika, e leai ua taumafai le Wells Fargo e si’o mai le mea lea, ae o le a manino lava le mata o le vai, i le taimi o le fa’amasinoga,

E mautinoa lava o lo’o tete’e Wells Fargo i nei tu’ua’iga ua molia ai i le fa’amasinoga.

saunia: Leua Aiono Frost