Ads by Google Ads by Google

Aisea e Fefe ai le CIA - Maua le Va’alele Rimote e Iran?

O nisi o tu’ufesili o latou mafaufau, e le taitai lava ona ila Amerika le nu’u tele ma le malosi i le la tama’i Iran latou, ae fefe fua le CIA ina ua maua e Iran le va’alele fa’atonutonu po’o le va’alele fo’i e fe’avea’i e le rimote.

O le mea muamua lava, ua maua mai ata o le va’alele rimote lea, e matua leai lava se mea o leaga o le va’a, o lona uiga, ua maua uma ane lava ata o so’o se nofoaga o lo’o felafia’i solo ai tagata talipana lea e matele ina to’atele lava i tagata o Iran lea e tete’e na’ua ia Amerika ma lona sao i totonu o Sasa’e Tutotonu i lenei vaitaimi o le taua fa’aterarisi.

Lona lua, ua foliga mai, ua maua fo’i e Iran le mafaufau ma’ai o Amerika, lea sa latou valia ai nei ituaiga o va’alele i vali e le mafai ona maua ai e ni reita po’o masini va’ai mamao, lea e matele ina fa’atutuina i tuaoi o malo eseese o le lalolagi, ina ia le mafai ona osofa’ia e le tasi malo se isi malo, ae le mailoa po’o va’alele a ai.

Lona tolu, o le toe fausia ai e Iran o ni a latou va’alele e pei o nei ituaiga o va’alele a Amerika, ma latou toe fa’aaogaina mai ia Amerika e toe pomua mai ai lava tatou. Ua tatou iloa lelei, na tali leleia mai le osofa’iga e fasiotia Osama, o lona uiga, o va’alele lava nei sa matua fa’aaogaina lava ina ia sailia ai nofoaga o lo’o aumau ai tagata tete’e, nofoaga o lo’o teuina ai meatau fa’aniukilia, o nofoaga o vaega au a malo uma lava o Sasa’e Tutotonu, lea la ua toe fa’aulu mai ai e Iran se tagi i le Fa’amasinoga a le Lalolagi e fa’asaga ia Amerika, ona o lona faia fa’anana o nei sailiiliga uma lava, ae o lo’o talosaga mai fo’i e taofia nei ituaiga faiga, ma le le maua o se filemu e atunu’u uma lava o le lalolagi.

 

E mautinoa o nei ituaiga o fausaga o va’alele ma meatau e le o manana’o Amerika ina ia o’o atu i lima o atunu’u o lo’o fai Amerika ma latou fili.

O le masina o Tesema i lona aso 4 na oo ai lea o’a a Amerika i a’ao o le fili, ma na tulaueleele lelei lava lea va’alele a Amerika i le tuaoi o Afakanisitana ma Iran ae ua matele i totonu o eleele e pulea e Iran, ma ua le mafai fo’i ona toe fa’afo’i mai.

Aumai: AP