Ads by Google Ads by Google

Aoaoga i auala e faatino ai le ‘Talimalo Lelei’

O le tamaitai mai Fiti ia Ala Lavemawasa mai Fiti ua faa faigaluega e le Matagaluega a Tupulaga Talavou, Tina ma Tamaitai na te aoaoina auala e faatino ai le Talimalo Lelei, e aofia ai le tatau lea ona tapena lelei le mafaufau o le tagata i auala e faatino ai lea ituaiga auaunaga.

 

Na tomua le aoaoga i le faalauiloaina o i latou uma o le a auai i lenei aoaoga, faatasi ai ma le faalauiloa mai e Ala o auala e ao ona silafia e i latou uma ao faagasolo lenei aoaoga.

 

E i ai mea na fa’amamafa i le vasega. O mea ia e mautu atili ai lou avanoa pe fa’aauau ai ona fa’afaigaluega oe e le Kamupani, pisinisi po’o le matagaluega o e fa’ato’a galue ai:

 

Galue Feso’ota’i ma felagolagoma’i ma i si tagata faigaluega:

 

E ao ina e galue fiafia ma feso’ota’i lelei ma isi tagata faigaluega, afai e te mo’omia le fesoasoani ina ia vave ona fa’ataunu’u le galuega, ia galue felagolagoma’i ma isi ma le fiafia e faia le auaunaga.

 

Ia avea oe ma fa’amuamua o lou fia fesoasoani i nisi, ae le o le faigaluega feva’ava’ai a’i, e afua ai ona le fealofani oe ma isi uso faigaluega.

 

Pe afai e tele sou iloa i le matata o galue ai se isi uso faigaluega, ia e fa’asoa i ai lou tomai, aua e te a’iu i lou poto o i ai, ae ia e iloa alofa atu ma fa’asoa lou iloa.

 

Auaunaga ia fa’atino ia le aunoa:

 

Ia va’ai patino i mea e fa’atino ai le auaunaga mo malo o lo’o e talimalo ai, po’o nonofo i le faletalimalo o e faigaluega ai. E tatau ona e fa’aosofia lagona mau talitonuina o lau auaunaga e malo mai fafo, ae le o le so’ona va’ai i nisi uiga e le tusa ai ma ala o le auaunaga.

 

“Ia fa’afeiloa’ia malo uma i le laufofoga fiafia, ma le fesili po’o i ai se mea e mo’omia, afai e leai, ofo atu e si’ia lana ‘ato ma fa’asino lelei i ai lona potu e alaalata’i ai.” O se tala fiafia lea a Ala i lana vasega.

 

Aua ne’i maumau meatotino a le Kamupani:

 

Ia va’ai i ala e fa’asao mai ai le so’ona maumau o tupe fa’aalu a le Kamupani, ae o mea lava e mafai ona e ofoina atu, e aunoa ma se tupe fa’aalu a le Kamupani. Aua ne’i e avea fua i lou aiga, mea a le Kamupani, ae ia fa’amaoni ma ia faia lau galuega i le lelei e tatau ai.

 

O Lau Amio:

 

Ia va’aia e tagata asiasi mai, lou tausa’afia, e te fiafia, e te le o fia tagata leaga, ae ua e sauni e tautua mo i latou i so’o se mea e tusa ma ala o le auaunaga talimalo lelei. Aua ne’i malomaloa, pe soona faia au tala i tagata faigaluega ma oe, po’o tagata o lo’o tou talimalo ai. Ia matua le ulaula lava i luma o malo, pe tali sau telefoni fe’avea’i se’ia o’o i le taimi e te malolo ai.

 

Pe a fa’atonuina oe i se mea, ia faia ma le le gaoia, talia le fa’atonuga ma le fiafia. Ia muamua ona e fa’aaloalo atu i isi ou uso faigaluega, ma le vasega o malo mai fafo, aua lava ne’i i ai se fa’ailoga lanu i au fa’ai’uga.

 

O le isi mea sili ona matagofie sa fa’atonuina i lea a’oa’oga, “Pe afai e te va’aia se otaota o ta’atia i le lotoa, ae le tatau ona i ai i lena mea, ia piki i luga ma ave i le lapisi, e fa’ailoa ai, e te naunauta’i i lau galuega ia lelei ona ata ma tino mai.