Ads by Google Ads by Google

E le’i lagona le Leo o Tina i Samoa

I le fonotaga a Tina Faipisinisi o lo’o ua mae’a i le Lalolagi lea na tauaofia i le tatou Malo, ma sa fa’atasi mai ai sui usufono mai Ausetalia, Niu Sila, Papua Niu Kini ma Samoa, na fa’ailo ai le tulaga o le mana’omia tele ona Fa’aleo Lagona o Tina o le Pasefika!”

Peita’i, na amatalia lea fonotaga i se sao matagofie na malaga mai ma Sui Usufono a Samoa, le tama’ita’i faipisinisi, foma’i ma o se tina fo’i o lo’o avea ma Peresetene o le PPSEAWA i le latou lala i Samoa. O ia lea o Papali’i Viopapa Annadale, o se tasi o lo’o nonofo ma se ali’i Foma’i mai Lonetona, Peretania, peita’i, e le o suia ai le igoa o Papali’i i lea tulaga.

Afai e tatou va’ai i le agaga, ona iloa atu ai lea o le mau e mausali ai le fa’amoemoe o Papali’i, ia lagona le leo o Tina i totonu o Samoa. Ina ua to ane le ato vailiili na malaga mai ma sui usufono e to’atolu tina, o lo’o i ai fa’amaumauga e mausali ai le mau, e le o taitai lagona le leo o tina.

“Aofa’iga o le faitau aofa’i o tagata i Samoa 186,340 tagata i le faitauga mulimuli i le 2011. Aofa’i o tina e 49% o lea faitauga atoa, ae tu’u ane loa i sui ua se’ei i tofi Faipule i le Palemene e 49 sui o i ai, e na’o le 2. O le tele ua mafai ona o’o i ai sui o tina i totonu o le Palemene o Samoa talu mai ona fa’avae le Malo Tuma’oti o Samoa, e na’o le tolu tina i le vaitausaga fa’apalota 2006 e na’o le 3.

E manino, o lo’o mamao lava le lagona a’ia’i o “Leo o Tina Samoa.”

O le fesili tele lava o tula’i nei, pe ua aia tutusa ea tama ma tina i so’o se mea i totonu o Samoa. O le tali, o le a maua i mea nei:

Ua na’o le pau lea o le vaega o le atina’e o Samoa, ua mautinoa ua alia’i mai ai se “Leo o Tina Samoa!”

Pe afai e fua i le fua fa’atatau o le tamaoaiga i totonu o aiga i le taimi nei, o le vaega tupe atoa ua mafai nei ona tausia ai fatuaiga o le tele o aiga o Samoa, e afua mai pisinisi laiti e fa’atutuina mai e Tina.

O ituaiga fa’amaumauga nei, ua iloga ai, ua lagona le leo o Tina i totonu o tatou Malo uma o le Pasefika, ma ua tima’i fo’i tina, ia le mapu i le filiga, ma ia to’aga i ai, galue i ai, ia mautu ma atili ona aga’i ai i luma le fa’ateleina o le lagona o leo o Tina i o tatou Malo.

Olaga i Mataupu tau faigamalo o tina i Samoa, e le o faigofie lava! I se tasi o folasaga sa mafai ona fa’ailoa mai e Annadale e afua ai ona tuai lagona leo o Tina i Samoa, ona o le aganu’u ma ona tamau.

O le tele o mea uma i totonu o le Malo, ua fa’afita ona suia, aua o aiaiga o tulafono, e matele ina matele fa’a’au’au mea uma i pulega a Tama, ona o agaifanua e sapaia ai. “Ia le motusia le agaifanua a Samoa, e ‘ese mea e aga i aloali’i, ese fo’i mea e aga i alotama’ita’i o aiga!”

O le isi fa’amalos’au ua maua i Samoa e aga mai le Malo, o lo’o ua toe ‘ave le fa’amuamua i galuega alofilima a Tina ia toe fafagu mai, ma fa’atau atu i fafo, o measina taugata! Lena la ua toe si’i ai le isi matalalaga i le fua mo tina, ua si’itia oe, ma o lo ua matauina i le tamaoaiga, ua atili fa’aleleia ai le taulia o galuega sa faia e tina, ae le totogia ai i latou i totonu o latou fatuaiga tausi.

“Tina ala mai, va’ai sia avanoa itiiti ua ta maua, e fau fa’alelei ai se ta’ua va’atele o le tamaoaiga!”