Ads by Google Ads by Google

E te fia poka?

O TALI E TE SAO AI I LE PARATAISO

 

Ua maliliu le vaega lea na o loa a latou agaga i le lagi, e o atu o Peteru la e tiute, fai mai loa Peteru, o le a fai le 'interview', o le faiaoga, salusalu lapisi, ma le loia, fesiliga loa i ai Peteru.

 

E fuafua i le atamai o le aoga a le tagata sa i ai i le lalolagi, fai mai loa i le faiaoga, "O le a le igoa o le meli tele lava lea na goto ina ua taia i le 'aisa ?." Fai atu le faiaoga, "O le Titanic". Fai loa Peteru, "Ia sa'o oe, ia alu i totonu i le Parataiso."

 

Ia fesili mai i le salu lapisi, "E fia tagata na maliliu ai?" Ia ae o le laki o le salulapisi, e le'i leva ona matamata i ai i le TV.  Fai atu loa, "E 1,500." Fai mai loa Peteru, "ia lelei alu loa i totonu o le Parataiso."

 

Ia iloa lelei e Peteru o le Loia lea o le a fesiligia, fai loa Peteru, "O ai uma igoa o i latou?"

 

UA MALIU LOU LAWYER

 

Sa telefoni mai se tasi alii e fia talanoa i lana lawyer, ae fai atu le teine, "Oi faamalie atu o le lawyer lena na maliu i le vaiaso ua te'a.”

 

O le isi aso,  toe tatagi le telefoni a le Ofisa Lawyer, vaai atu le teine, o le numera lava lea e tasi, fesili mai le tamaloa, "E mafai ona talanoa atu i le loia o Smith?"  Fai mai le teine ua oti i le vaiaso ua te'a ia Smith.

 

Toe oo i le isi aso toe tatagi le telefoni o le Ofisa Loia lea, fesili mai ia Smith, ae fai atu loa le teine tali telefoni, "Tama ua leva ona fai atu ia oe i le aso na vili muamua mai ai, o Smith ua maliu, o le a lau mea e fai i le loia?"

 

Fai mai le tamaloa lea, "E 'ese le manaia pe a ou faalogo atu i le faaupuga lena, 'ua oti lo'u tama ula lena o Smith...ha..ha..ha..ae le'i totogia la'u pili..ha..ha..ha".

 

Fai mai loa le failautusi a Smith, "O oe foi lea e igoa ia Etuale?" Fai mai loa le tamaloa, "E a?" Fai mai loa le teine ia Etuale, "Lea ua ave uma o outou igoa i le isi Loia, e igoa ia Faaaifi, aua la e te fiu lava e te alo, o le mea la e tele Loia..ha..ha..ha..!!!."