MATE MAI

O'o loa i le tasi aso, na sau le faia’oga i le a’oga ma fai atu i lana vasega, "O le aso lenei o le sui ai la tatou mata’upu, o le mate mai e outou mea e fai ai me'a ai, a 'o le tu'u lava i totonu o le taga."

"O le mea muamua, e lapotopoto, umi, ma e lanu mumu ?." na tu'u uma i luga lima o le vasega, ae o le taimi lea ua toetoe lava tu i luga le lima o Ioane.

Fai mai le faia’oga, "Ia o oe Tepora". fai mai loa le teine o Tepora, "O le apu," fai atu le faia’oga, :E leai, manaia lou manatu...o le 'koko pula'."

Ia toe fai atu loa le faia’oga, "O le mea e malu, umi, lapotopoto fo'i toe lanu 'ena'ena."

Ia si'i uma lima o tamaiti, ia a 'o le taimi lena ua toetoe lava a tu i luga Ioane, i le mana'o lava e piki ia.

Fai mai le faia’oga, "O Pili.." tu atu loa i luga le tama o Pili, "O le 'esi'.." fai atu fo'i le faia’oga, "Manaia lou manatu, ae leai e le o le esi, o le 'pateta'.."

Toe fesili mai loa le faia’oga, "O le mea e umi, lapotopoto, lanu samasama ae toe vaivai, o le a la ?...ia o le taimi lena ua toe itiiti pau i lalo le tama o Ioane i le si'i o lona lima i luga.

"O Sala..." tu loa se teine o Sala i luga, ma tali mai, "O le isaraelu..." fai atu le faia’oga, "manaia lou manatu, ae leai o le 'fai'.

Na te'i lava le faia’oga ma le vasega i le tu loa i luga o le tama o Ioane, "O la’u fesili ali'i faia’oga, 'A ua ou tago atu i totonu o la'u taga, ou te tago i luma e i ai le mea lapotopoto, malo, e i ai fo'i lona ulu ?."

Oso mai le faia’oga, "E Ioane.....aua ne'i taliina e se tagata le fesili lena a Ioane . Le mafaufau tele a......" fai mai loa le tama o Ioane, "LEAI...E LE O LE MEA LENA E TE MANATU I AI....O LE SELENI......" manaia ou manatu ae sese lau tali.

E LELEI AI LO'U MOE

Sa alu se olomatua i le Ofisa a lana foma'i ma fesili i le Foma'i, "Se fa'amolemole a, e i ai ni fuala’au e fa'atatau e puipuia mai ai fafine i le ma’I to (birth control pills).

Fai mai le olomatua, "Se e lelei ai lo'u moe i le po." fai atu le Foma'i, "E fa'afefea ona e moe i na fuala’au e taofi ai le to ?". ae fai mai le olomatua, "E o'o loa i le po, o'u tago atu loa tu'u loa i totonu o le ipu inu a lo'u granddaugther, ia ona tu'u ai lea o ia e pule po 'o fea e alu i ai...ia ae ou moe lelei 'au ia."

"IA A GALO SE FUALA’AU I SE PO...TA TE FIU E FIA MOE AE LE MA MOE....."