Ads by Google Ads by Google

Epi Suafo’a: A’oa’oga e taua tele

O le fofoga fa’apitoa e saunia se saunoaga e fa’ataua ai le manulauti o le Vaiaso o A’oga Katoliko i le teritori na tofia ai le tama’ita’i Akiolo (archeologist) Samoa o Epi Suafo’a-Taua’i i le faatasiga i le aso ananafi a le aoga tulaga muamua a St. Theresa.

 

Sa ia tula’i ma fa’ailoa, “O sau auaunaga i ou tagata e fa’aaoga ai lou atamai ua maua, i au taleni ua fa’ao’aina oe e lou Atua, ma ua faia i lou fa’atuatua e toe fa’amanuia mai ai oe e lou Atua, e aotelega i lou alofa!”

 

E ui e le’i faigofie pe taugofie le amataga o le olaga a’oa’oina, aua e na’o lona tama sa galue ma maua ai se tupe, ae na totogi pili a’oga, ma va’ai mamao matua i se fua lelei o latou galuega e pale ai fanau pe a latou tu’ua i latou i lenei olaga.

 

Na amata lava le a’oga a Suafo’a-Taua’i i St Theresa mai le tausaga 1964 se’ia o’o i le 1972, soso’o ai ma le fa’asolo atu i le Fa’asao High School i le fa’ato’a amataga o lea a’oga na’o tama’ita’i ae fa’au’u mai ai i le tausaga e 1977.

 

E le’i manatu matua ua lava ai i’ina, ae ua toe soso’o atu i le A’oga Fa’amisionare i Moamoa, Samoa lea na ta’ua e le tama’ita’i, “Na ou iloa, e le o se mea lea o manatu le Atua ou te aoga ai i o’u tagata.”

 

Na fetaui lona tu’ua o le a’oga lea sa tausailia ai lona avea ma se Monike a le Ekalesia Katoliko, ma ma’i tigaina o si ona tina, e valu tausaga o ia toe avea ma faia’oga i le St Theresa ma tausi si ona matua. Ina ua maliu o ia, sa toe mana’o e fa’aauau a’oa’oga ma ulufale atu ai loa i le Iunivesite o Hawaii i Hilo ma sailia ai sona tikeri i mataupu fa’a- Akiolo [po’o su’esu’ega o ma’ataua totoe o lo’o tanumia i le palapala.]

 

Na fa’ai’u manuia su’esu’ega ma umia ai le fa’ailoga BA i le Anthropology i le fa’aiuga o le tausaga 1993. Na toe soso’o ma lona toe ulufale i le Iunivesite o Oregon ma tausailia ai lona fa’ailoga Master of Archaeology. Mai ia fa’ailoga maualuluga, sa gafatia ai ona fa’afaigaluegaina o ia e le Laufanua Fa’asao o Amerika Samoa lea o lo’o ua mae’a fa’atula’ia lona Ofisa autu i le tatou malo, ma ua lisia fo’i le tele o vaomatua o le tatou atunu’u.

 

Sosoo ai nei ma le fa’afaigaluegaina e le ASPA na te fa’atautaia mai le itu o su’esu’ega i eleele o lo’o i ai ni toega ’oa e ao ina elia mai i luga ma avea ma ni measina a le tatou atunu’u.

 

“O le tomai ua a’oa’oina ai,  le fa’atuatua sa savali ai, mafaia so’o se mea i le fa’atasi mai o Keriso, ma le auaunaga ua ia faia nei, o ‘auga nei e tolu e iloga ai tagata e aoga i lona aiga, nu’u, ekalesia ma lona atunu’u pele.” O se isi lea vaega o lana folasaga.

 

“E sili ona ou alofa i a’oga a le Ekalesia, aua e ui ina a’oa’oina ai isi mataupu uma lava o a’oga fa’aonaponei, ae o lo’o toe a’oa’o atu ai ma le mataupu silisili o le Tusi Pa’ia, ina ia iloa e le fanau a’oga, ola a’oa’oina ma le mata’u i le Atua.” O se tala lea a Epi, e le’i misia fo’i nei mea uma ia te ia.

 

O lona olaga aoa’oina lena, ae o le a lea mea o le Akiolo ia i tatou uma?  “O le autu o lea auaunaga, o le taumafai lea e toe aputiputi mai ni nai toega ua tanumia i le palapala, e toe avea ma pine fa’amau po’o ni mea taua e tatou te tepa ai i le olaga atali ma mea sa fa’aaogaina ai.”

 

Sa ia fa’amalamalama e fa’apea,  afai e mataituina e i matou se vaega eleele e le tatau ona so’ona elia, ae tatau ona eli fa’apitoa e  le matou vaega ma fa’amaumau ni toega po’o oloa taua fo’i o i ai, ma o ia oloa e toe fa’aputu fa’alelei, ma faia ai fa’aaliga a le ASPA.

 

I se fa’amatalaga a le tama’ita’i ina ua ia va’aia tamaiti i lo latou naunau e fia fa’alogo i lona tala’aga ae maise o lana galuega, lea sa ia fa’alauiloa i le power point, sa ia fa’apea ai, “O a’u i le taimi lenei, ua pei lava ua ou toe la’ititi e pei o le taimi sa a’oa’oina ai ai e tama’ita’i Sa i lenei a’oga, ma e le galo ai lenei pese!” Ona ia taina lea ole “Talofa lava Lava tamaiti, po’o fa’apefeaina outou...