UA OU FIA MOE

E i ai le tamaitiiti e ulavale lava i totonu o le Lotu, e fiu le tina e faafefe a oo lava i le taimi e ulavale ai, ua alu pe'ape'a solo i luga o nofoa, a leai ua savali i luma toe savali i tua i le va o nofoa.

Te'i le faifeau ua uma lava le lotu, e leai lava ma se pisa pe toe ulavale pe toe fealu ai mai i totonu o le falesa.

Gasolo atu loa i fafo tagata faatalofa i le faifeau, na oo mai loa le fafine o Fiaaiti ma si ona tama, fai atu loa le faifeau, "Sole ua filemu lava le tama o Jake i lenei aso Sa, o le a mafuaga, e faama'ima'i ea si ou tama ?."

"Vaai lau susuga i le Feagaiga, na ou fai i Jake e aua nei ulavale i le taimi o lou lauga. Aua e ulavale loa, ia ua toe amata mai le lauga i le amataga, mafaufau ifo le tamaitiiti, e sili ai pe'a aua le ulavale ina ne'i toe amata mai le lauga i le amataga."

O LE OFUVAE

Na fai le lesona a le loomatua o Nimela ma si ana tama o Sio e 7 tausaga, o le mataupu na su'esu'e o le tala ia Atamu ma Eva.

Na faamatala lelei le mea na tupu ia Atamu ma Eva, ma le mafuaga na fai ai o la lavalava e faaaoga ai lau o laau, ina ua mama i lo la le lavalava na i ai.

Uma loa le tala atoa ia Atamu ma Eva, tago loa le tamaitiiti teu le Tusi Paia, e fetaui le tago atu o le tamaitiiti ae lelea mai loa le lau laau sa i totonu o le Tusi Paia.

'Oso atu loa le tamaitiiti fai i lona tina, "O i tina, vaai i le mea lea ua lelea mai i totonu o le Tusi Paia."

Fai atu loa le tina, "O le a?." ae fai le tamaitiiti, "Ou te iloa lava o le ofuvae lea a Eva."