UA UMA LE KIRISIMASI

E fufulu lava ipu a le loomatua o Peka, faalogologo mai i luma o fai lava taaloga a le tamaitiiti o Uelese i le 'train', ua lagona mai o faapea le tamaitiiti, "O outou uma na e mananao i 'oso i'i, kaoga loa i fafo ma le 'train' vave, kou pa'u elo, kope loa i fafo, ia kaoga mai i kokogu oukou ga. Ao fela ea la, kope mai i kokonu….kou pogaua, faakope."

Ia masau atu loa le loomatua o Peka otegia loa Uelese, "Oi se'i faalogo i ai i le gutu a lenei tama o Uelese, tu i luga savali i totonu o le potu e te nofo ai, se'i iloga lava ua uma lou gutu puaa lena Ua e iloa….ISAAAA…"

Alu loa i totonu o le potu moe, 20 minute ae toe sau loa i fafo Uelese, fai atu loa le loomatua i ai, "Ua a ?…aua e te tautala i upu malolosi faapena si au tama foi lava a…alu loa e toe fai ou taaloga i luma o le fale…ua e iloa ?."

Faalogo atu le loomatua o fai mai le folafolaga a le tamaitiiti i le pasese a le 'train', "O outou uma e fia malaga i le malaga i le taimi nei, tala aao i le totonu o le 'train' ao outou uma e le fia o…o uma e vaai le 'BITCH' la e i tua o le umukuka."

UA OVA TELE LE LEAGA O TEINE O LE AOGA

E i ai le isi aoga lena, ua tele lava i le alu atu soo le teu fale, ua fai atu ua leaga uma faa'ata i le tele o aso uma lava a teine i le o atu i le taeao ua tavali o latou laugutu i totonu o le faletaele, ona kisi lea i le faa'ata, ma tuu ai 'lipstick'.

Ia malama le taeao ua fiu le 'au teu fale e tau tape 'lipstick' ia ae alu atu loa le teufale ma fai i le puleaoga, "Ua tatau ona aami uma teineiti ia e vali latou laugutu i 'lipstick' e o mai i totonu o le fale taele se'i fai atu i ai se tala."

Ia alu loa le faasalalauga i teineiti uma e fiafia e fai 'lipstick' e o mai uma i le faletaele pe'a ta le 2:00. Ua o mai uma lava teineiti i le faasalalauga lea na alu atu, fai mai le puleaoga, "Ia o lea o le a talanoa atu le 'supervisor' i le mea lea e le malie ai."

Fai mai loa le 'supervisor', "Ua matou fiu e tape 'ese o outou vali laugutu ia e pipi'i i le luga i le faa'ata i aso taitasi….." savali atu loa le tamaloa i le totonu o le po a le faletaele, loloi atu loa le solo i totonu o le faletaele, sau loa a solo 'ese ai vali lea e pipi'i i le faa'ata, ma fai mai loa, "Ua fiu tama i aso uma lava, e tau tape 'ese outou 'lipsticks' ia e faapipii e outou i le faa'ata i aso uma."

Ia ma le vaai atu o teine nei, e 'ese lea mea e aumai ai le vai lea e solo ai totonu ai le faa'ata i aso uma, ma aso uma e le 'au teufale.