Na faia pe na faataunuuina le mafutaga a tupulaga talavou a le Ekalesia Metotisi i le aso Maliu i le falesa a le afioaga a le Sea o le faa-Sinoti le Afioga ia Lokame i Susana Uesele i Tafuna.

Na faatasi uma ai autalavou e sefulu ono a le Ekalesia i lena aso, e amata mai lava i Poloa se'i oo i Alofau ia vaevaeina i pese faaleagaga ma tala o le faatino ai le aso na maliu ai le tatou Faaola.

Ia na faatinoina e Alofau, Futiga ma Failolo ia tala ae o le tele o autalavou o pese lava faaleagaga ma latou faatinoina, ma na uma lelei lava lena aso i pesepesega ma tala i manaia o le faatinoina

O pesepesega e faatatau i le aso maliu ai Iesu, e aumai lava i totonu o le tusi pese a le Ekalesia ma o le tele lava o autalavou na faaaoga fati tuai a le Ekalesia.

"Sa lagana lava le manaia o le faamoemoe a autalavou pe ana manaia se mea e o mai ai tama ma teine autalavou nonofo ai i a latou mafutaga, lele ua lelei uma isi 'au lotu kerisiano ae lea e faapenei lava le Metotisi ia. Ae o le Metotisi ua leva tele ona i ai i Tafuna ae lea ua o mai nei lava le LMS, ma Katoliko ia ao le la ua manaia ane foi le Mamona latou ia, ia ao lenei lava e le'i maua mai se tonu a le tatou HALL." o le muimui na a le isi tagata autalavou i le Nusipepa i lena aso.

Sa lagano le fiafia o le tupulaga talavou i lena aso, na manaia foi le saunoaga a le Alii Sea, lea na faapea ai, "O fea o i ai Iesu i le taimi nei, o fea o i ai Iesu i le taimi nei, pea e manatu faa-le-mafaufau i ai ? o Iesu lea ua maliu i le taimi nei, ae peitai ua galo i fitafita Roma ona o e ave Iesu e tanu i totonu o se tuugamau, ae peitia foi i le galuega lena a fitafita e fai, na o le pau le latou mea e fai, o le faatinoina o le faasatauroina o tagata e mananao i ai Iutaia, aua o le aso lenei, e tatala ina ai tagata pagota pe'a oo i le aso o le Paseka, aua e tolu lava aso faamanatu faa-Iutaia e o mai uma ai i totonu o Ierusalema e faamanatu ai, e i ai le aso faamanatu lea o le Paseka (pass over). E faamanatu ai le toto o le tamai mamoe lea na valiina ai pou o faitotoa o le tagata Isaraelu uma i le taimi o nofo pologa i Aikupito, ina ua sauni le Agelu e sau i totonu o Aikupito i le valuapo e fasia ai ulumatutua a Aikupito.

O oo loa i le aso sefulu fa i le afiafi ona fasi lea o tamai mamoe poa, ona ave lea o le toto, e mafai foi ona faasoa atu i lou tuaoi pe a fai ua lava oe ma lou aiga.

E tavali uma ai pou (frame) o le fale i le toto o le tamai mamoe, i le tulua o le po ma sau ai le agelu e fasia uma tagata, e fai le failoga o fale tagata Isaraelu latou te mau ai, ona sosopo atu lea ia te outou e le oo foi ia te outou le mala e fano ai. Ina ua taia le nuu o Aikupito i lenei mala.

E oo mai la i le feagaiga fou o faamanatu pea e Iutaia le aso faapitoa ai, e o atu uma ai i totonu o Ierusalema e faamanatu uma ai, i le atoa le vaiaso ua faia le faamanatuina o lenei aso faapitoa i totonu o Ierusalema.

Le aso lea na filifilia e le Atua e faatinoina ai le maliu o Iesu, aua o le aso lea e tatalaina ai pagota e mananao tagata Iutaia i ai ae faasalaina le tagata ua latou mananao ai foi.

O lea la na faataunuuina uma mea na i maliu o Iesu ma lona toe tu mai, Amene."

Ona faasolo loa lea o le polokalame i autalavou ma a latou mea e pei ona togia ai lea autalavou e fai mai aua le faamanatuina o le 'Aso Maliu.'

Na mananaia uma lava sauniuniga a autalavou taitasi a le Ekalesia Metotisi le Sinoti a Tutuila, i lalo i le ta'ita'iga a le Afioga i le Sea o Lokame, ma le ta'ita'i o Autalavou e Rev. Sofe.