Ads by Google Ads by Google

Fagogo: Lupe o le Filifili

Vaega: 41

 

Tatou te tula’i ma momoli fa’atasi le fa’afetai ma le vi’iga i lo tatou Matai oi le lagi, ona o lenei aso fou ua o tatou aulia mai i le manuia i Lana tausiga alofa e le mavae i aso uma. E i ai pea le fa’amoemoe, o lo’o fa’apena ona alafa’i mai i le manuia le atunu’u, ia vi’ia ai pea le alofa ma le agalelei o lo tatou Tama oi le lagi. Ae alo maia, o le a toe fa’aauau atu la tatou tala mo lenei aso.

 

O lea o lo’o fa’auaau pea le talanoaga a Eseta ma lona tuagane o Samuelu, ina ua uma ona o’o le lima o Samuelu i a Samuelu la’ititi, ona o lona le malie tele i le tulaga o lo’o ola ai, ae se i o tatou va’ava’ai pea, po’o fea o le a o’o i ai lea tulaga.

 

“O a lava uiga o Samuelu o lo’o i ai nei, e i ai lava le taimi e sui ai, e leai se tasi e tumau i se olaga tuai, e sau le taimi e tula’i mai ai Samuelu e fesoasoani i mea e fai o le aiga, ae ‘aua tou te fa’apena i si a’u tama. Ou te va’ai atu, tou te afisi lava Petelo, ae ua outou fa’atuatuana’i i si a’u tama o Samuelu.

 

O le upu, “E fa’aaoga e le Atua tama valevale, e tutupu mai ai mea e silisili ona lelei i se taimi oi luma.” Ua le tautala Samuelu, le tuagane o Eseta, ina ua fa’alogo mai ua tautala ane lona tuafafine e uiga i lana tama o Samuelu. Na fa’ate’ia Samuelu, ina ua toe fa’apea ane lona tuafafine. “Samuelu, ‘aua e te fa’apena i si a’u tama, va’ai oe, o le mea fo’i lea na e sau ai, a’o e la’ititi, e fiu o ta matua i a te oe, o fea nei, a lea ua e tula’i mai e fa’aeaea lo tatou aiga, i mea lelei, lea ou te mimita ai ma ou fa’ane’ene’e ai i aso uma, aisea, ua tula’i mai lo’u tuagane e fai mea o le aiga, o le nu’u ae maise o Ekalesia. Alo laia ia ou faiva Samuelu, o ou ma ma na, foa’i e le Atua manatu ma mafaufauga lelei i lau afioga i le Faipule, e fa’atino ai mea lelei aua le itumalo, le nu’u aemaise o Ekalesia.”

 

Ua na o le punou nei o Samuelu ua le tautala, a’o totonu o lona loto, e moni lava ma fa’amaoni upu ua fautua ane ai si ona tuafafine. Le lo’omatua e uma tina o le nu’u ona fa’alala i ai lona lima, “E leai lava se tagata na lavea ai lima nei.”

 

Ae se i o tatou toe tulituliloaina po’o fea ua o’o i ai le malaga a le toeaina o Paulo ma le lo’omatua o Eseta lea na alu i Fagatogo e pu’e ai le isi pasi e o ai i Tula, e toe au mai Samuelu.

 

Fai mai, e pei o le faleaitu a Petelo ma Sumeo lea ua ta nei i totonu o le pasi, ona o faiga a le lo’omatua o Eseta. O le mea ua tupu, ua mimita le lo’omatua, ua maua si vaega oa lea na tu’u ane i ai e si ona tuagane o lo’o tausia lo latou aiga i Nu’uuli. O lea la na fesili ane i ai si toeaina pe fia, ae alu ane le tali a le lo’omatua, e su’e le mea e ola ai le initia.

 

E faia pea…