[E fa’atalofa atu i le aufai tau i lenei fo’i vaiaso, malo le onosa’i, malo fo’i le galulue. O le tatou polokalame fou lea ua auina atu i lenei vaiaso, o le a fesoasoani i le fa’ato’a filemuina o galuega o lo o outou fa’atinoina i aso ta’itasi, ina ia faigofie ai ona fa’amae’a galuega fita o aso ta’itasi]

O le olaga o Samoa, e fa’atusa e tuaa mai aso anamua o se olaga e fa’ata’ita’i i ai le lumana’i lelei ma le ola manuia o so o se tagata Samoa. O le olaga e faigata ona talia e i latou ua fo’i mai i fafo ma le atama’i sa latou a’oa’oina mai atunu’u papalagi, aua fo’i e fa’amuamua ai le fa’aaloalo ma le olaga tautua i so o se aso. E afu mata o le taule’ale’a Samoa e tautua lona aiga, aemaise le va ma lona tuafafine, le i’o mata o le tama tane Samoa. E afu le muaulu o le matai Samoa e tautua le Sa’o o le aiga, e fa’apena fo’i i fafine laiti o le nu’u, nofotane ma fai’ava, ua masani i le faigata o le olaga, e ala usu i le taeao e tautua le matai aemaise ai o galuega i totonu o le nu’u.

Peita’i e le mafai ona iloa gata le eseesega o le olaga fa’a Samoa moni ma le olaga pologa o lo o molimauina i totonu o isi aiga Samoa, ina ua sopo tuai le auala e fa’atino ai le tausiaina o aiga ma fanau e pele o lo o aumau i ni isi o latou tau aiga, ma fa’alogoina ai loa le leo o le pologa ma le ui o i le aso ma le po, ma ua fa’aautuina ai loa le tatou fagogo fou “Olaga Pologa”, ona o ni isi ia o vaaiga o lo o molimauina i ni isi o aiga Samoa i le taimi nei.

O le ali’i o Lami o se ali’i e matua oti, o lona tama ma leiloa i le sami ina ua alu sana fagota, ae o lona tina na maliu i se gasegase tuga, ma tausi ai loa o ia e le tuagane o lona tina ma lona to’alua ina ua fa’atoa 12 ona tausaga, o le taimi fo’i lea na gata mai ai le toe alu o Lami i se aoga, ae ua gafa nei ma le fatuaiga e tausi ai le fanau a le tuagane a lona tina e to’alua, lea o lo o maua le avanoa e o ai i le aoga e saili le poto ma mafuta atu ai i a la uo. E taunu’u Lami i lona aiga fou ua masani lona olaga i le fatuaiga i le la aiga ma si ona tina, aua o ia lava e gafa ma feau mamafa, se’i vagana ai ni isi o feau e le o o i ai lona malosi ona fa’atoa fa’atino lea e si ona tina. O po uma i le la tama’i fale oo mai si ona tina la te momoe fa’atasi ai i le la ta’inamu e tau fonofono i lauupu pu pu, ina nei ulufia i laua e namu i le po. E manatua e le tamaititi taeao uma ae le’i alu i le aoga, e tu’u atu ai e si ona tina le $1 i lona lima e fa’atau ai sana vaiinu i le aoga ae taga i totonu o lana ato fa’afafa sa i ai se mea ma’alili e fai ma lunch o le aoauli.

O le vaiaso muamua lava o Lami i totonu o lona aiga fou lea ua nofo ai, na ia lagonaina ai le eseese o le alofa fa’atina moni ma le nofo i le aiga ese, e ala fa’i mai lava i le ote e taoto lava i lona moega e moe o ote lava le fafine. E le malolo le tele o feau e saputu atu ia te ia, e le maua se taimi e mapu ai pe malolo, ae galue lava seia o o i le taimi e taoto ai i lona moega. Ua amata ona iloa e Lami le eseesega o le olaga i totonu o lona aiga moni ma le olaga lea ua ola ai nei, e ui e maua le fiafia i sina taimi puupuu, peitai o le tele o taimi i totonu o le aiga la te fetaia’i ai lava ma le to’alua o le tuagane a lona tina, le fafine saua o Sei. O le fa’atonuga masani e le galo ia Lami e masani ona fai atu e Sei ia te ia, “aua e ke ‘ai se’i vagagana ua maooga uma le kakou aiga ...