Ads by Google Ads by Google

Aisea na faasā ai Tusitala ma le au Faasalalau mai le suesuega ole “Nuu fou”?


[ata: foa'i]

Pago Pago - AMERIKA SAMOA

 

E le’o iai se silafia o le Peresetene ole Senate ile mafuaga ole faasa o Tusitala ma le au Faasalalau mai le Suesuega a le Komiti Suesue a le Senate (SSIC) e fa’atatau i le mataupu, o le “Nuu fou. 

 

O loo fesiligia e le Peresetane ole Senate, afioga a Tuaolo Manaia Fruean, le mafuaaga o le fa’asa o tusitala ma le au faasalalau mai mataupu faatalanoa talu ai nei a le Komiti suesue a le Senate, o lo’o taitaifono ai le afioga a Senatoa, Togiola T.A.Tulafono. 

 

Saunoa ai Tuaolo i le Samoa News i le Aso Faraile: “se’i o’u fesiligia. Ae ou te  iloa e avanoa lava suesuega a le SSIC mo tagata lautele, e le tapunia.”

 

Ole masina talu ai na fai ai le suesuega a le SSIC , na tula’i ai le Pule o le vaega Fuafanua, Amesone Laulu, ae na faasa ai Tusitala ma le au Faasalalau mai le Potu ole Maota Fono. 

 

“O le su’esuega e le faataga ai le au Faasalalau” pei ona faailoa e Togiola, ile tusitala a le Samoa News i lea taimi.

 

O le suesuega lea na taula’i ile fuaina o fanau o “Nuu Fou”, e silia i le 400 eka, ma sa faatautaia e le Susuga a Laulu.  O  lea fuataga ua iai  le Tusi Faamaonia a le Malo o Amerika Samoa.

 

O le fuataga lea o fanua o “Nuu Fou”, sa mafuli iai faitioga mai le atunuu lautele, na afua ai le suesuega a le SSIC. Ae o le taimi lea sa i atunuu mamao le Susuga a Laulu, ina ua ave iai le tusi samania e tulai ai ile matupu lenei.

 

Na ta’ua e Tuaolo i le Samoa News, e iai aiaiga, peita’i “oute leiloa ile malosiaga o le Taitaifono o le SSIC sa faasa ai Tusitala ma le Au Faasalalu.  

 

“Ae o suesuega faalauaitee nei, o Tusitala ma le Au faasalalu, o fofoga o tagata lautele.” pei ona ia saunoa. 

 

Ma ia fesiligia ai le Loia a le Senate ia Mitzie Jessop Taase, pe iai se tulafono a le SSIC o iai se malosiaga o lana Taitaifono e nate faasa ai Tusitala ma le Aufaasalaau. 

 

Tali Taase: e mafai ona tupu lena tulaga pe afai oni ” mataupu maaleale “  

 

E manatu Tuaolo, o fono lava ia a le SSIC, e faapena, ae le’o le tulaga lena pe’a oo ina faia suesuega o mataupu o loo fia iloa e le lautele. 

 

Ma ua faamaonia ai ile vaiaso talu ai, e le Senate le faaau ole suesuega a le Komiti Suesue a le SSIC mo le Nofoaiga 38 a le Fono Faitulafono lea sa tatala i le vaiaso ua te’a.

 

E tusa ai ma le taunuuga na faamaonia, ua ave ai le malosiaga e toe faaauaua ai le SSIC, e Iloilo ai galuega a le malo, ma le tulaga o iai ana tala o le tupe, ma su’esu’e nisi faiga faasolitulafono, faiga faaitua’u, poo nisi amio le tonu, faamaumau taimi, tau faasese ma fatauma’oi e aofia le faasologa o galuega faatino, o le faatinoina, faamaumauga o tupe ma le faaaluina, ma tupe a le malo feterale, solia o le anti-deficiency law, faaagoa sese o mea faigaluega, taavale poo tupe ma isi gaoiga o amioga le taupulea, e aofia ai le faafoeina o le malo, i matagaleuga uma lava, ma ona lala ae o faalapotopotoga a le malo o Amerika Samoa. 

 

Ole Komiti Su’esu’e a le Senate, e to’a iva ona totino, na tofia e le Peresetene, e aofia ai: Togiola T.A Tulafono - Taitai Komiti; Magalei Logovi’i - Sui Taitai Komiti; Faiivae I. Godinet; Alo Paul Stevenson; Ma’o Fa’auma Gogo; Utu Sila Poasa; Uti Petelo; Fonoti Tafa’ifa Aufata; ma,Ponemafua Tapeni.