O LE FAIFA’ATO’AGA MA LE VAI ‘ELI

Sa iai se faifa’ato’aga sa na ia fa’atauina mai se vai ‘eli mai i se tasi o ona tuaoi, ina ia mafai ona fa’aaoga e fa’a su su ai lona fa’ato’aga.

Na fa’atau iai e le tua’oi le vai ‘eli, ae ua fa’asa ona asu vai mai ai le faifa’ato’aga.

Ua alu nei le faifa’ato’aga i le tupu e sa’ili se faamasinoga tonu o lenei mataupu.

Ua fa’atonuina e le tupu ia le faamasino o le malo, e na te su’esu’eina lenei mataupu.  Ma o le mafuaaga lea, na alu ai loa se asiasiga a le alii faamasino, i le tuaoi a le faifa’ato’aga ma fesiligia i le mafuaaga ua ia fa’asaina ai le faifa’ato’aga ona asu vai mai i le vai ‘eli.

Sa faamatalaina e le tuaoi i le faamasino e faapea, sa na ia fa’atauina le vai ‘eli, ae le o le vai o lo’o i totonu.

Na matua’i te’i le faamasino i le faamatalaga a le tuaoi ma ia toe fo’i e lipoti i le tupu ia le faaiuga o lana suesuega.

Sa matua’i le fiafia le tupu i le tali a le tuaoi ma ia faatonuina ai le faamasino ina ia toe fo’i mai i le tuaoi, ma faatonuina ina ia ona totogia le ‘rent’ o le vai i totonu o le vai ‘eli lea ua mae’a ona totogi tupe e le faifa’ato’aga.  A le o lena, ona saili lea o se auala e ave’ese ai lana vai mai totonu o le vai ‘eli.

O le faaiuga o le mataupu, e tusa ai ma le fanoga a le tupu, a le mafai e le tuaoi ona totogi lana ‘rent’ pe ave’ese lana vai mai totonu o le vai ‘eli, o le a fa’ao’o loa ia te ia le oti.

Na matua’i lagona le salamo a le tuaoi ina ua le ‘ai lana aikia sa taumafai iai ma sa vave lava ona ia tulivae i luma o le tupu ma ‘ai’oi mo se avanoa e toe fa’alelei ai le la mataupu ma le faifa’ato’aga.

O le lesona o le tatou tala i lenei vaiaso, ia e fa’amaoni i au feutagaiga ma tagata.

[IA MANUIA TAUALUMAGA O LENEI VAIASO]