O LE TA’IFAU MA LE LIONA

Na iai se aso na se atu ai i totonu o se togavao ia se ta’ifau sa alu sana savalivaliga.  Ma na iloa mai e se liona o faapupu’u i se pu pu vao, ia le savali atu a le ta’ifau ma tilotilo solo ona ua iloa e le ta’ifau, ua sese le auala lea ua savali agai ai.

Ua ‘ata’ata le liona ma faapea ifo, ‘Oka se manaia o le tino o si alii lea e savalivali mai.”  Ma oso atu loa le liona o le a ‘ai le ta’ifau.

Ina ua va’ai mai le ta’ifau i le tamo’e saoasaoa atu o le liona, e aga’i sa’o atu lava ia te ia, sa amata ona gatete le ta’ifau ma mafaufau po o le a lana mea o le a fai.

Sa sauni le ta’ifau e pefu ma le atoa, ae ona va’aia ni ponaivi o ta’atia i ona autafa ma kiliki loa i le mafaufau a le ta’ifau lana mea o le a fai.

Ua tu le ta’ifau ma amata ona talanoa leotele lava ma faapea mai, “…oka se manaia o la’u liona lea fa’ato’a uma na ‘ai!  Talosia ae toe maua seisi a’u liona peti faapea.”

Na matua’i i’i le taofia a le liona i lona faalogo mai i le faamatalaga a le ta’ifau ma ia va’ai mai, sole, o le mea uiga ese le mea, ona o le tele o ponaivi o lo’o ta’atia atu i autafa o le ta’ifau.

Ua faapea ifo nei le liona, “A’e e le o se tamai manu le ta’ifau lea.”  Ona liliu vave a lea o le liona ma toe tamo’emo’e i le auala na sau ai.

Ua ‘ata leotele le ta’ifau ma toe fa’aauau lana savaliga, ae na te le’i iloa atu se luko o lo’o lafi mai tua o se la’au ma matamata mai i le la mataupu ma le liona lea na fai.

Ua liliu atu nei le luko ma tamo’e atu e tuliloa le liona ma ia fa’amatalaina loa i le liona le mea lea sa ia va’aia.  Sa faamaualuga le luko, a ia fesoasoani i le liona, atonu o le a faia e le liona se mea e totogi atu ai lana fesoasoani.

Na matua’i ita tele le liona ina ua faamatala atu e le luko ia le taufa’ase’e a le ta’ifau lea na fai  Ona faapea atu lea o le liona i le luko, “Ia mulimuli mai ia te a’u.  O le a va’ai nei iai le ta’ifau le la i la’u mea o le a fai iai.”

Sa fa’ate’ia le ta’ifau i le vaai mai, ua toe melefoni atu foi le liona, ae mulimuli atu i on atua I ale luko.

Ua toe tu foi le taifau ua na leiloa po o le a lana mea o le a fai.  Ona oso a’e lea o seisi manatu i le ta’ifau ma ia tilotilo solo ma ia faapea ma le leotele, “O fea o iai le luko lea, ua matua’i leva tele ona ou tulia e alu e tata’i mai se liona.”

[IA MANUIA FUAFUAGA UMA O LENEI VAIASO]