TAGI A LE ASINI

Na iai se manu a se faifa’ato’aga, o se asini, e ese ma le ulavale.  E fai o le ulavale, ae o le tagivale.

E fai atu loa le faifaatoaga e o fai se la galuega i ga’uta i le ma’umaga, tagi le asini.

A fa’ati’eti’e ai i luga se avega, i le papatua o le asini, ona tagi foi lea.

Pe oso ai foi le faifa’ato’aga e saofa’i ai i luga o le papatua a le asini, e atili ai ona tagi le asini.

O se tasi aso, na sola ai le asini mai i le faifa’ato’aga, ona o le augata e fai se galuega.

Ma ua alu atu le asini i autafa o se vai ‘eli, ua leva e le toe fa’aaogaina, ma lafi ai.  Ua amata ona fia iu le asini, o lea na tu ifo ai i luga ma oso atu i le augutu o le vai ‘eli e tau autilo po o iai se vai i totonu o le vai ‘eli, e inu ai.

O le tau fa lo o le ulu a le asini, ae se’e ai loa lona vae ma pa’u atu ai loa i totonu o le vai ‘eli.

Ona tagi fa’ataitai o ai loa lea o le asini mo se taimi umi lava.

E maua atu e le faifa’ato’aga ma nisi o ona tuaoi, na o e saili le asini, o lo’o tagi mai lava le asi i totonu o le vai ‘eli.

Ua tau mafaufau nei e le faifa’ato’aga ma ona tuaoi, ia se auala e mafai ai ona aumai i fafo le asini.  

Na uma uma mafaufauga na taumafai iai le nu’u, ae ua le mafai lava ona toso mai i fafo le asini.

Ua va’ai atu le faifa’ato’aga ua lata ina mou atu le la i lona nofoaga pe a i’u le aso, ma ua amata ona pogisa mai leisi itu o le nu’u.

Ona faapea atu lea o le faifa’ato’aga i tagata o lona nu’u, “Fa’afetai lava mo lo tou fesoasoani i le tau faasaoina mai o la’u asini.  Ae paga lea, ou te iloa, ua siliga ma se auala.  Ae o mai, se’i o tatou togi atu ni palapala lea i totonu o le vai ‘eli, ina ia mafai ai ona tanumia ai o ia, pe a mate o ia.”

Oka, na laulogo uma le togavao i le tagi a le asini ina ua ia fa’alogo mai i upu a lona matai.

Ua faapena loa ona fai, e pei ona fai mai ai le faifa’atoaga.  Ua tofu le tagata ma se suo ae sua i totonu o le vai ‘eli ia palapala.

O le togi atu lava o lea palapala, alu a’e i luga le tagi a le asini. 

Se’ia o’o lava ina le toe lagona atu e le faifa’ato’aga ia le asini.  Ma o le mafuaaga lea na savali atu ai le faifa’ato’aga i le tu i autafa o le au gutu o le vai ‘eli ma tilotilo i lalo.

Na matua’i fa’ate’ia le faifa’ato’aga i lona vaai atu, ma ia va’aia ai se tulaga uiga ese.  O taimi uma lava e togi atu ai e se tagata ia palapala i totonu o le vai ‘eli, ona oso ai lea i luga o le asini ma o le maualuga lava o le faaputuga palapala i totonu o le vai ‘eli, o le latalata mai foi lena o le asini i au gutu o le vai ‘eli.

[IA MANUIA FUAFUAGA O TOTOE O LENEI VAIASO]