Pago Pago, AMERICAN SAMOA — O le aso Gafua na se’i mavae atu, Fepuari 19, 2024, na aofia potopoto ai uo ma aiga, aemaise o suli o le tina o Pisa Tialavea Tauai, i lona aiga i Amaua, e faamanatuina ma faamanuiaina le 90 tausaga o lona soifuaga. 

O se va’aiga lea i le sa’asa’a a le tina matua, a’o aiaiuli nai ona aiga, i le fa’aalia o le agaga fiafia ma le fa’afetai ona ua aulia mai e le tina nei mau tausaga o lona soifua.