Ads by Google Ads by Google

Mafai ona talosaga pisinisi i se nogatupe mai le SBA

I le taimi nei ua fa’ailoa mai ua i ai le avanoa lelei e mafai ai ona talosagaina e le mamalu o le aufai Pisinisi i le atunuu ni a latou nogatupe e laititi o latou tupe fa’asili mai le US Small Busimness Administration - SBA.

 

E fua lea fesoasoani, ona ua malamalama lelei le Malo Tele i tulaga ootia fa’aletupe ua i ai nei le vasega o pisinisi i lenei vaitau talu mai le tele o mea ua limiti ai fefa’ataua’iga i le va o tagata lautele ma le ma latou tautua ua ofoina atu i le atunuu. O a’afiaga  nei ua mafua mai ona o le fa’amai pipisi o lo’o ua taumafai ona puipuia mai ai le mamalu lautele o le teritori o Amerika Samoa.

 

O lea ua fa’ailoa mai, ua matua aga’i atu galuega fa’atutu a le SBA ina ia mafai ona oo le fesoasoani mai le Malo Tele i le vasega o pisinisi uma ua aafia i lenei fa’asa o le Coronavirus.

 

“O nogatupe nei ua mafai ona fa’atula’ia e le SBA e mafai ona avea ma se toomaga o Pisinisi i ana tupe teu fa’aaseta, ina ia fa’aaogaina io taimi e lutia ai ona ua le lava le tinoitupe fa’asoa mo le totogi o ana tagata faigaluega ma tinotupe fo’i e fa’atau ai latou oloa ae ua fa’aleaogaina ma ua le maua ai se tinoitupe e fa’apaleni ai latou tupe ua mae’a fa’aalu i fefa’ataua’iga i nisi pisinisi. O lea se fesoasoani lelei mo pisinisi ua taumafai i ai le malo tele.”

 

O le toe totogia o nei nogatupe ua fa’atulaga mo le 30 tausaga ae ititi lava se tinoitupe fa’asili ua toe totogia mai fa’atasi ai. Ua fa’atulaga le 3.75% mo pisinisi laiti ma le 2.75 % mo fa’apotopotoga e le o fa’atula’ia mo ni polofiti.

 

Mo se fesili talefoni, 1 (800) 877-8339.  U.S. Small Business Administration, Processing and Disbursement Center, 14925 Kingsport Road, Fort Worth, TX 76155. O nogatupe nei e fa’amuta ona fa’aulu mai ia Tesema 21, 2020.