Ads by Google Ads by Google

TALA O LE LALOLAGI


[ata: foa'i]

Pago Pago - AMERIKA SAMOA

 

ALO AMERIKA SAMOA -PAILATE BLACKHWAWK I LE USARMY 

 

Ua fa’ailoa e le Afioga Uifa’atali Amata ana fa’amanuiaga ua ofoina atu i se tasi o alo o le atunuu o lo ua ausia nei e ia le fa’aeaga, ua gafatia ona pasia ma fa’atautaia va’alele Helicopter BlackHawk a le US Army, le susuga lea Warrent Officer 1 Freddy Pu’e o Leone.

 

O ia lea ua mae’a lelei ana a’oa’oga ma ua ia pasia lelei agava’a uma i le vaiaso ua te’a. Ua mafaia nei ona ia fa’afoe va’alele Helikopa nei o le ituaiga o le BlackHawk, o ituaiga nei e masani ona va’aia ua fa’afoea osofa’iga i le ea a le vaega au.

 

Fa’ailoa e le tatou Faipule i le Konekeresi e auai i le sauniga mamalu sa fa’atautaia e fa’ae’e ai nei fa’aeaga i lea fo’i alo o le atunuu, ae peita’i ua le mafai ona ia malaga ona o suigafou o le fa’asa ona ua faifaitetele le Covid-19 Omnicron i lenei vaitau, ua le mafai ai ona tu’ua le laumua ae fa’atasi atu i lea faaeaga sili a le fanau tautua i le militeri.

 

“Fa’amalo le tautua ma tausaili i mea lelei i le susuga le Fitafita Tiute WO1 Freddy Pu’e, aua ua matua e fa’auma lava ou faiva, e ui i le faigata ona tausailia ai o nei fa’ailoga, ae ua gafatia ona o le sogasoga ma le tumau o le loto i le finauga na mafua ai ona tu’ua aiga ma le atunuu pele. Ua tu’u atu ia te oe le fa’atuatuaga o le USArmy e te faafoe ai ma le toto’a nei ituaiga vaalele o le ea, Helikopa UH-60M BlackHawk, o le faafetai e toe fa’afo’i i le Atua mo lana puipuiga ma manuia ua toina mo oe i lea fa’aeaga.”

 

“E mautinoa e tele taimi sa tima’ia ai e ala i suesuega ma taumafaiga e fa’ae’e ia te oe lea tofi Pailate, peita’i o se tasi e finau a’ia’i ma sogasoga atili, e toina mo le is le pale o le ausia o na manuia. O le fa’aeaga fo’i lea o lou aiga ma lou atunuu.”

 

Ua fa’afetaia fo’i e Uifa’atali Amata le tautua a lea alo o le atunuu, ma ua fa’apea fo’i i isi uma alo o le atunuu o lo’o tautua i le vaega au.

 

“O lenei la’asaga ua ausia e lenei alo talavou o le atunuu ua fa’amauina atili ai le tautua matavela a Amerika Samoa e ala i ona alo ua mae’a ulufale ma tautua i vaega uma o le vaega au a le Malo tele. Ona o lea fo’i alo sa aoaoina lelei i le A’oga Maualuga i Leone, o lea ua fa’afiafiaina atili fo’i aiga ma lea afioaga tele i lea fa’aeaga. O le fa’afetai lava ia e fo’i i le Atua, aua e saunia e ia tautua ma faiva eseese e ala mai ai manuia i si o tatou atunuu, matua ma aiga.”

 

“E le gata i lea ae ua avea lea alo o le atunuu ma se tasi o faata’ita’iga lelei mo isi uma alo o le atunuu o lo’o tautua, a’o’oga ma avea ma sulufaga o latou aiga i tautua eseese o lo’o galulue punoua’i ai i le Iunaite Setete ma ona teritori uma. Malo le tausi aiga, fa’aea malo ma le taumafai malosi ina ia tatou ta’uleleia i taimi uma ona o galuega lelei uma lava.”

 

O le sauniga e fa’ae’e ai lea tofiga mo Freddy Pu’e sa faia lea i Fort Rucker, Alabama.

 

FA’ATELEINA PISINISI I AMERIKA SAMOA - 42.5% UA MAUALUGA AI I LE 2021

 

Ua faailoa i se lipoti fa’amaumau tau laisene pisinisi i le malo o Amerika Samoa sa saunia e le Matgaluega o Fefa’ataua’iga, ua fa’ateleina le aofai o pisinisi ua fa’alaiseneina i le tausaga 2021 e tusa ma le 42.51% pe a fa’atusalia lea i tausaga ua tuana’i.

 

O lea fa’amaumauga ua mae’a lisia mai lea i le lipoti a le Ofisa o le Kovana lea sa fofogaina fo’i e le tatou ta’ita’i Kovana Lemanu Mauga i lana lauga fa’apitoa i le tatalaina o le tauaofiaga a le fono faitulafono o le Malo ia Ianuari 10, 2022.

 

O le fa’amauga ua fa’ailoa mai i tusitusiga, ua fa’amautu mai ai, o le fa’ateleina lenei o pisinisi amata i le atunuu ua tula’i mai o se fa’amauga silia lava lea mo le tele o tausaga, ma ua fa’amautu atili ai, ua si’itia fo’i le tamaoaiga tausi i totonu o le atunuu i le tausaga 2021.

 

O lea fa’amanuiaga ua fa’amauina, e afua mai le tele o manuia lautele sa sasa’a mai e afua lava i le fa’ama’i o lo’o lutia ai le lalolagi, ae o lo’o taumafai lava Samoa na lua e tumau lo latou tulaga mama mai ai, le Covid-19 ma ona ituaiga eseese.

 

O le tele o nisi o pisinisi ua fa’atuina, o se taumafaiga ina ia feso’ota’i ma tautua o loo mo’omia ona o le taumafaiga e puipuimalu lava Amerika Samoa mai le Covid-19. O le fa’atupega foi o nei tautua eseese, ua fa’atupe mai lava i vaega tupe mai le malo tele.

 

Ua mae’a fa’atulaia fo’i se sootaga ia mafai ona talosaga mai so’o se tasi lava i se ituaiga pisinisi e fa’atautaia i luga o laina feso’ota’i a le Initeneti, ma ua talosaga sa’o mai ai latou laisene pisinisi ina ia fa’atautaia i Amerika Samoa. O lea tautua sa faatula’ia lea i le amataga o le tusaga fa’aletupe 2022 ia Oketopa 2021.

 

O talosaga nei mo pisinisi fa’atutu e ala i feso’ota’iga fa’apisinisi i le Initeneti ua mae’a fa’amauina mai ai e le Matagaluega o Fefa’ataua’iga le aotelega e 211 laisene pisinisi ua mae’a ona maua latou laisene e fa’atautaia ai i Amerika Samoa.

 

“O le fa’amaumauga lea i luga o le Initeneti ua mafai ai ona vave maua lava le aotelega o tautua eseesee fa’apisinisi ua mae’a fa’atautaia i le atunuu atoa i se taimi vave pe soo se taimi fo’i. Poo le a lava le taimi e moomia ai le fa’amaumauga, e faigofie atu ona maua tonu fa’amaumauga sa’o pe a fa’aaoga lea ala e fa’amauina ai.”

 

E fesoota’ia lava foi nei pisinisi uma e 211 i soo se taimi ina ia mafai ona silafia lelei poo fa’atautaia pea a latou tautua ma e feso’ota’i le tele ma le matagaluega o le Soifua Maloloina ona o le Covid-19 ua mafua ai ona fa’atuina.

 

O le Matagaluega o le Soifua Maloloina i Tautua Paleni & Siomaga EHSD o i latou na e siakia lelei fo’i tautua a nei vaega uma poo lelei ona tapena ma gaosia tausami aua le atunuu poo i latou o tausia ai ma fa’aaogaina.

 

I le tausaga nei ua fa’atautaia lua ai e le Matagaluega o Fefa’ataua’oga ma le Matagaluega o le Soifua Maloloina latou asiasiga i pisinisi uma o lo’o fefa’ataua’iga mea tausami gaosi, o lo ua matauina fo’i le tapunia o nisi o pisinisi ae tuuina i ai suiga lelei e ao ina faia fa’ato’a toe pasia ai latou tautua e fa’aauau mo le atunuu lautele.

 

“Ua fa’amauina e 34 faleaiga fa’apisinisi na tapunia latou pisinisi masani ae toe fa’atonua ia faia suiga ona toe tatala ai lea, mai le 59 laisene pisinisi na fautuaina fo’i i a latou tautua eseese. O le taumafaiga tautai lua lea, ua iloga ai le aoga tele o latou galuega i fa’amaumauga lelei ua mafai ona maua vave lava.”

 

O lo ua galulue fa’atasi lava le Ofisa o Fefaataua’iga ma le Ofisa o le Loia Sili ina ia toe siakia lelei lava taumafa uma poo oloa tau taumafa o lo’o tu’u apa pe tu’u pepa ina ia le ulufale mai ni oloa e le o lelei gaosia e tusa ai ma tulafono tau oloa fa’atau mai i le Iunaite Setete o Amerika ma ona teritori i so’o se taimi lava.