Ads by Google Ads by Google

Tala I Vaifanua


[ata: foa'i]

Pago Pago, AMERIKA SAMOA - 

 

TATALA MALAGA VA’ALELE VA O SAMOA MA NIU SILA

 

I lipoti fa’asalalau mai le malo o Samoa, ua fa’ailoa ai ua toe tatala malaga a va’alele i le va o Samoa ma Niu Sila. 

 

Ua mae’a fa’alauiloa ua matua le toe i ai nisi o Niu Sila o toe maua i le Coronavirus, peita’i o le tatalaina o malaga atu i totonu o le atunuu mai Ausetalia na uia ane ai nisi mai Peretania, o i latou na ua toe maua ai nei nisi i NZ, ua po’ia i latou i le Coronavirus, ma ua toe fa’amauina ai le to’a iva o i latou ua fa’amaonia i suega ua maua i le Covid - 19. 

 

Ona ua mae’a malaga va’alele mai Samoa i Niu Sila i le amataga o lenei vaiaso, ua le mailoa la pe toe taofi lea tautua pe fa’aauau pea i le taimi nei.

 

E ui ina tatalaina malaga i totonu o Niu Sila ae ua i ai aiaiga tamau o le fa’asa o lo’o fa’amamaluina pea i lou tulaueleele ai i le malo. Ua faa’pea fo’i ona i ai aiaiga tamau mo i latou uma e fia o ese mai NZ mo Samoa. E tatau lava ona e nofo i NZ mo le 28 aso a’o lumana’i lau malaga ese mai.

 

Ua le talia fo’i soo se pasese ona tu’uva’a ese mai i Samoa pe afai o le a maua ane lana suega ua maua i le fa’ama’i pipisi o le Covid-19, lea ua agatonu ona faia lau suega o le Covid -19, 3 aso a’o lumana’i ai lou tu’ua o NZ mo Samoa.

 

Ua le mafai fo’i ona tu’ua e so’o se tasi o le pasese NZ pe afai o le a maua oe i le tale, fiva pe va’aia fo’i le tafe ma mamafa o lou isu. O auga ia o le influenza ma ua tali tutusa ma le Covid-19.

 

Ua mana’omia ona faaalia fo’i fa’amaumauga o ou tui puipuia uma ua mae’a faia i le Malae Va’alele e kilia ai oe mo le malaga ese mai mo Samoa. Ua i ai le 14 aso o lo ua fa’anofo va’ava’aia ai i latou uma e malaga mai i totonu o Samoa ma e tatau ona e malaga mai ma lau sapalai o mea e fa’aaogaina mo oe lava, ae ia tasi fo’i lau atopa’u e talia i le uta a le va’alele.

 

Fa’ailoa susuga le foma’i Dr Leausa Take Naseri, “Ua fa’atulaga e saunia e le malo lau ‘aiga mama i le taeao, ma le aoauli, ae o le aiga afiafi ua tuu lea e totogia lava e le tagata malaga mo le 14 aso o taofia ai mo suesuega faafomai i o latou soifua maloloina.

 

TOTOGI O TAGATA FAIGALUEGA O TAOFIA I FAFO -COVID-19

 

I le fonotaga a le kapineta i le aso Gafua, na saunoa ai Kovana Lolo Matalasi Moliga ma ia fa’ailoa lona taofi e tusa o nisi o le aufaigaluega a le malo o lo’o taofia i fafo ona o le fa’asa o le Coronavirus o lo’o fa’amamaluina nei.

 

“Ua ou mautinoa o lo ua i ai matagaluega o le tatou malo, ua taofia e latou fa’atonu le toe totogia o tagata faigaluega sa malaga i fafo ma ua utia nei le toe taliu mai i fanua e fa’aauau ona galulue ona o le fa’asa a le Covid-19 i tulaga o femalaga’iga i le va o i tatou ma Hawaii ma isi fo’i malo tuaoi. O lea faiga, ua le tonu lea, aua e le o se latou mana’o pe o se mea e mafai ona  latou suia ua tupu nei.”

 

Saunoa le kovana, “Ua tatau nei ona outou toe fa’ae’e uma atu totogi o i latou sa tatau ona latou maua i tagata faigaluega ua a’afia.”

 

Sa ia fa’ailoa fo’i i le kapineta, o nisi o latou, ua le talia a latou telefoni i le taimi e fia maua atu ai e lona ofisa.

 

“O nisi o outou ua suia a outou telefoni, ma ua le iloa fo’i e le Ofisa a outou numera fou. O nisi ua va’ai mai o le tatou Ofisa ua le talia maia lau telefoni. E tatau ona tatou feso’ota’i i taimi uma. Afai o le a fa’alua pe fa’atolu e le talia lava lau telefoni, masalo ua tatau fo’i ona ou toe va’ai toto’a ma faia se fa’aiuga i lau galuega.”