Apia - SAMOA

I se ripoti lata mai i le Minisita o le Soifua Maloloina i Samoa, na fa’aalia ai le si’itia o fuainumera o tagata gasegase i le Tale Vivini, aemaise lava i fanau iti, e ta’i tasi tausaga agai i lalo.

O le aso 28 o Novema, 2024 na aloaia ai le pepesi o le faama’i o le Tale Vivini i totonu o Samoa.

Ma i le taimi nei, ua faamaonia le a’afia o le to’avale, ae to’a 46 o lo’o masalomia.

O gasegase uma, e mai i Upolu, ma e 56% tamaitai, 44% alii.

O le ulua’i gasegase na mafai ona faamaonia, na ripotia mai ia Setema 16, 2024 ma o le 57% sa taofia i le maota gasegase i Motootua.

O lenei faama’i e masani ona tupu mai i le ta’i tolu i le lima tausaga, e pei ona ripotia mai i le Minisita o le Soifua Maloloina ae peitai, na amata mai ia Oketopa ona si’isi’i fuainumera o gasegase o le tale vivini.

I se faatalanoaga a le Samoa Observer ma le Faatonusili o le Soifua Maloloina, le afioga Tagaloa Dr. Robert Thomsen, sa ia ta’ua ai le le ’leaga tele’ o tui puipui ua mae’a mo le tale vivini.

E pei ona ia fa’aalia mai, o le tui muamua o lo’o i luga o le 95%, o le tui lona lua e 85% ma le tui lona tolu, o lo’o i lalo ifo o le 80%.

Ae ua faamamafa mai e Tagaloa le iai o se taumafaiga ina ia si’itia le fuainumera mo tui lona lua ma le lona tolu, i le 90%.