Numera 11:24-30, Galuega 2:1-13

Ina ua uma ona fai le isi so'o fou o Matatia e sui ai Iuta lea na faalataina Iesu, o le Penetokoso po o le 'Feast of Firstfruits' o le tasi lea o aso faapitoa a Iutaia e o mai uma ai tagata Iutaia i totonu o Ierusalema e faamanatu ai i tausaga taitasi.

O le tolu ai lea o aso faamanatu e masani ona o mai uma tagata Iutaia e faamanatu, a o le tele o aso faamanatu e fai lava i latou pitonu'u o loo aumau ai.

O le aso faamanatu la, o laau ola uma o le faatoaga ua taua o le 'Feast of Fruitfruits' mai i le 50 aso talu mai le Paseka, poo o le aso Sa lea i aso na, (O le Aso Toana'i i nei vaitaimi.) i le vaitaimi na fesoasoani ai i le aumaiga o le Agaga Paia.

O le aso o le Penetekoso i le aso tonu lava na faatonuina ai e faamanatu le aso lea na o 'ese ai Isaraelu i Aikupito, ina ua atoa le lima sefulu aso talu ona latou o 'ese mai Aikupito i totonu na taunuu i le Mauga o Sinai, lea na ave ifo ai ai Tulafono ina ua atoa lima sefulu aso ina ua uma le Paseka.

O le aso Penetekoso e aumai i le gagana Eleni, 'Pentecost' poo o le lima sefulu aso, e faamanatu ai le la latou o mai ma latou mauaina le aumaia o Tulafono e sefulu o le Atua, lea na sau ai le Mose i le aumaia o Tulafono.

(Ioane 16:7-11), "A e  peitai a'u, o le upu moni lava ou te fai atu ai ia outou, e aoga ia te outou, pe a a'u alu 'ese, aua afai ou te le alu ese, e le maliu mai le Fesoasoani ia te outou, a e afai ou te le alu, ou te auina mai o ia ia te outou. A maliu mai foi o ia, na te faailoa atui le lalolagi le agasala, ma le amiotonu, ma le faamasinoga. O le agasala, aua ua le faatuatua ia te au, aua ua le faatuatua ia te au, o le amiotonu, aua ou te alu atu i lo'u Tama, tou te le mai foi ia te au; o le faamasinoga, aua ua faamasinoina le alii o le lalolagi nei."

I le faitauina o Tulafono, e le e pei o Tulafono ia na faitauina e Mose i papa ma'a i le Feagaiga Tuai, ae o le Agaga Paia o le mea alofa taua lea na tuuina mai e le Atua, e le'i tusiina i se peni poo se vailaau tusi, ae aumai sa'o lava i le Lagi.

Lea na tautalatala ai tagata i gagana 'ese'ese le mea lena e ta'u mai ai le Tulafono na tusia i le feagaiga tuai, ma le agaga mafola o le tagata ua liuaina ma ua saunia o Loto ma Finagalo i le afio mai o le Agaga Paia.

I le (Roma 8:13-17) na fai mai ai Paulo i le lana Ekalesia i Roma e faapea, "Aua afai tou te amio i la le tino, e oti ai outou; a e afai e fasiotia e outou amioga a le tino e le Agaga, tou te ola ai. Aua o i latou uma ua ta'ita'iina e le Agaga o le Atua, o atalii i latou o le Atua. Aua ua outou le maua le agaga o le pologa, e toe fefefe ai, a ua outou maua le Agaga o tamafai, tou te valaau atu ai, 'Ava le Tama e..!!!.' O loo molimau mai lea lava Agaga i o tatou i o tatou agaga, o fanau i tatou o le Atua. Afai foi o fanua i tatou, o suli faatasi ma Keriso, pe afai tatou te tiga faatasi ma ia, ina ia faamanuiaina foi i tatou faatasi ma ia."

E i ai le tama o Elitato ma Metato ua nofo ai le Agaga i luga ia te i laua, o le Agaga o le Atua, na faapea foi ona fai i toeaiina e fitusefulu ua tuu ai le Agaga o le Atua, e pei ona faia i le Aso Penetekoso, ua maua uma i e latou na latou talia le Agaga o le Atua.

Ina ua lauga Peteru i le motu o tagata Iutaia na i ai i lena aso, o le avea i lana lauga na tosina ma faaolaina mai ai tagata ua tusa ma le 3000 ua latou taliaina le Agaga Paia.

O le Agaga Paia o le meaaloga lena o le Atua, e sau e fautuaina i tatou i mea e leaga ai le tagata malaia ma le le talitonu i lana Faaolataga ua uma ona faia e Iesu, ao le Agaga Paia lea ua fai nei ma o tatou faufautua ia tatou e oo mai le aso tatou te oti ai.

O se e le taliaina le fautuaga a le Agaga Paia ua ia manao i le malaia ma le aso atali. Amene