Ads by Google Ads by Google

LAUGA: IA MUMU PEA LE LAMEPA PE 'A FA'ATUMU E LE AGAGA PAIA

MATUA: Mataia 10:1-13.

E mafai ea ona mumu faapea se moli e ola i le paoa a le ASPA poo se moli e ola i maa taavale poo o ni maa e faatau mai i se faleoloa ?.

 E mafai lava ona ola ai i le malosi i le paoa o le ASPA, poo le a lava le mea e ola ai, ae fai fai lava uma, poo le leaga, a le le o le moli o le mea e mumu ai le moli.

O le mea na i le lalolagi, e manaia ae i'u lava ina uma leaga. E sa'o ai e leai upu a le Tusi Paia, 'Se a se mea ua uma ona tupu ? o le mea lava lea ua uma ona faia; ua leai lava se mea e fou i lalo o le la."

E sui foi i le tatou taimi o lo tatou olaga lenei, ae o le lamepa a le tagata ua faatumuina i le Agaga Paia e ola e oo i le faavavau.

Vaai i ai i le faataoto i taupou e to'a sefulu, na i ai taupou e atamamai e toalima, ma le 'au valea e toalima, e mafai foi ona tatou tuuina faapea, 'E toalima taupou ua uma le 'au sauni, ae toalima le 'au ola e le 'kea', e na faamoemoe i a latou upu, e mafai ai ona maua mai o suauu.

Ua le o ni tagata e o mai e sauniuni i le 24 itula, o le afio mai o le alii o le faatoefaiava, e le iloa e se tagata. Vagana le tagata e lava lona onosa'i ma e sauniuni lava i taimi uma i le aso e Afio mai ai le Alii.

Ua 2012 tausaga o tuu mai tatou e le Alii e tatou te sauni atu ai, aua e pei ona molimau i ai le, 'O lea, ia outou mataala ai, aua tou te le iloa le aso po o le itu aso."

O le a le aso e taunuu ai….o le a le aso ? Na oo foi i le 'au so'o a Iesu na latou fesili foi ia Iesu, 'Ia e fetalia mai ia te'i matou pe oo afea ia mea. Pe se a foi o lou maliu mai, ma le gataaga o le lalolagi.'

I totonu o 'aulotu pei ona tatou i ai i nei aso, pei ua lua (2) vaega ua fai i ai, o le au maua mea ma le 'au vaivai le tama o aiga.

O le vaega muamua (1) maua mea, o ituaiga tagata na sa'o le mate i le mea na fai i lenei olaga, a'o le vaega (2) e maua mea i isi taimi ae tau faasoasoa le tama o aiga i le tele o taimi.

O lalolagi lava na sau i le amataga pei ona ta'u mai i le Tusi Paia, o le 'au maua mea ma le 'au vaega e laititi le tama o aiga, ae le lavea ai le ituaiga tagata i le faatamala ma le le 'au sauniuni lava i le afio mai o Iesu.

E le su'e maia i le lou Ekalesia poo o oe lena e tele ou mea faalelalolagi sou avonoa i le Lagi. E 'ese lava mea faalelalogai, e le tele o Ekalesia lea e fai nei ia faaiga Me, pei ona ou iloa ia Ekalesia e faamoemoe i faiga-Me.

Ua kea tele i mea faalelalolagi ae le kea i le ola o le tagata i le va ma Iesu, ua pea o se 'mai mea na e fai e le 'au faigaluega i vaitaimi nei.

O lona e le'i sau le Alii mo i latou i maua mea, pe o le 'au matitiva e mea o le olaga nei, na afio mai le Alii e tagata ua mamao ma le ola faa-le-agaga, o tagata e le maua ia latou le ola e faavavau.

E te le mafai ona e fai atu i le Alii, 'O le vaiaso lenei na tuu i amata ai lou amio lelei pei na e poloa'i mai ai, ae o lenei ua e afio mai oute le'i sauni…….'

Pe e te faapea mai, 'Na ou mafaufau ai lava i le vaiaso atoa lenei, ona o le tele lava o mea na fai i le matou aiga, galuega poo lo kalapu fai tupe lea oute 'auai…. '.

'O i sa fai le fuafuaga i le mea oute ritaea loa o ma o ai ma olomatua…..'.

'Se o le Alii ia o le alofa fua lava ia, se'i ou taumafai nei e faato'a lou fanua fou aua le tuu ai le lafu povi….'.

'Se e lava lava tupe e fai ai le alofa poo le peleti o le faifeau, e tusa lava pe le vaaia a'u i le falesa, ma soo se mea lava e fai a le Ekalesia. Ua lava lava le tele o tupe na pau lena o le mea e manana'o ai le faifeau…'.

E a pea sau nei le Alii, e le'o i ai se suauu e faasuauu ai o lou olaga faatuatua, o le 'toto' a latou Alii ma faamaligi ai ona o oe ma a'u i le ola e faavavau.

Ua uma noa tuu mai i'a tatou mea o le Malo o le Atua, tuu mai i le tagata, ua umaona saunia e le Faatoafaiava, e Iesu Keriso o le foa'i ma le tino ma lona toto ma atoa ma lona malulu ona o i tatou, ia tatou maua le isi ola e faavavau.

O le faatali mai e tatou te o atu uma i le 'aiga o lona faaipoipoga i le Lagi, o le aso o le a nofo mai ai i le lona Nofoalii e faavavau Amene.