E ui i le tele o fa’asea mai afioga i senatoa fa’asaga i le mataupu lea o lo o vavao ai le atunu’u, i le malolosi o vaialaau o lo o fa’aaoga a le aufai fa’atoaga Asia e tausi ma teu ai a latou fa’atoaga toga laau ‘aina, peita’i na fa’amaoania e sui sa molimau i luma o le komiti o Fa’atoaga a le Senate i le taeao ananafi, o nei fa’amatalaga feavea’i, ua na o ni masalosaloga, ae le o i ai ni faamaoniga.

“E le o i ai lava ni mau fa’amaonia e iloa ai e fa’amaonia fa’amatalaga o lo o feavea’i solo, e malolosi vailaau o lo o fa’aaoga e tagata fai fa’atoaga Asia e tausi ma fa’atutupu vave ai a latou fa’atoaga”, o le saunoaga lea a Lealao M. Purcell, le Fa’atonusili o le Ofisa o Fa’atoaga a le malo i luma o le komiti a le senate ananafi.