Leai se pine i le 50m....Tuli pine i ta’aloga o loo totoe
Wed, 04/13/2016 - 8:01am
E lei manuia taumafaiga a le tatou vaega ‘aau i le ulua’i aso o le tauvaga ananafi i le ulua’i aso o le tausinioga mo ta’aloga a le Pasefika, lea o loo fa’agasolo i Papua Niu Kini i le taimi nei mo le umi e 2 vaiaso.
Na tausinio uma le tatou au aau e to’atolu i le ulua’i aso o le ta’amilosaga, peita’i e na o le ali’i o Daniel Hardman na manuia lana taumafaiga i taaloga faagasolo (pool heats), ma maua ai le avanoa e tausinio ai i le sailiga siamupini i le vaega o le 50m i le ituaiga aau o le ‘backstroke’.