O LE UPU E FA MATAITUSI

Uma mai loa le 'honeymoon' a le ulugalii fou, sau loa le fafine o Ova telefoni i lona tina, ma fai ai la tala i le manaia o le la 'honeymoon' ma lona toalua.

Fai fai a tala a le teine o Ova, te'i a le tina ua fai atu le tala a lana tama, "Tina e mafai ona e sau nanei e ave avatu la’u atopau ?." fesili le tina, "Aisea ?”, ae tali le teine, "Sau e avatu a’u nanei, ua leaga tele le mea lea ua fai mai ai Steve ia te 'au. Ua uma mai le honeymoon, ae ua ou te'i lava i le fai mai ia te a’u i upu na e fa."

Oso loa ma le fe'afe'a a le tina, "Fai mai e a Steve ?." ae fai atu a le teine, "Ua fai mai i upu na e 4, ua ou faalogo atu ua tau i lou mafaufau ma lo'u agaga upu na e 4 na fai mai ai ia te 'au."

Ao o le la e aunani atu le olomatua e ta'u mai upu leaga na fai atu ai lana toalua ia te ia. Ia a o le taimi lena ua tagi ai loa le teine ma fai atu i lona tina, "Na e tete'i ou taliga i lou faalogo atu i le lana tala na fai mai ia te 'au, ua ou te'i lava i lou faalogo atu, ae sau loa ma lana tala na ae ta'u mai ai ia upu na 4."

Ae la e taumafai atu lava le loomatua e ta'u mai ia te ia, poo o a na upu e 4, na toe fesili atu loa le loomatua, "Ta'u mai…ta'u mai, se'i iloga lou toalua e sasae mata o le meaola, e sa'o lava lou vaai atu i le tamaloa lena, e ula mai i le tatou aiga. E te iloa foi o le aiga lenei e le'i faapea lava e magamaga se aiga ana ula mai i ai."

Masusu lava le teine o Ova, na fai atu loa i lona tina, "Fai Mai Steve ou te toaga e fai uma 'au mea na, o le DUST, WASH, IRON ma le COOK."

O OE O LA’U MANAMEA

O le taimi na ave ai i totonu o le falema'i, malosi toe aumai i tua, e le'i umi a ae toe ave i totonu i le isi foma'i, ae o le la lava e nofo ai si ona toalua i tafatafa o lona moega.

Oo loa i le aso ua tau malosi le tamaloa, musumusu atu loa le fafine e soso mai.

Soso mai loa le nofoa a si fafine o Lesili, fai atu loa Sione i lona toalua, "O le tele o mea ia na tutupu i o ta olaga ao lenei e te nofonofo mai lava i ou tafa tafa, tuli 'au ma lau galuega o lena lava ta te faatasi, oo i le taimi na 'barkrupt' uma lau pesinisi o lena e te nofo mai lava i ou tafa tafa."

Fai lava lea o tala i le fafine, "I le taimi foi na ou lavea ai i le fana, ina ua fana 'au e le gaoi, o lena e te nofonofo mai lava i 'ou talane, e oo foi i le taimi na mu ai le ta fale, o lena e te nofonofo mai lava i ou talane."

Ia ae leo faapepe atu le fafine o Lesili, ia fai mai loa le tamaloa o Sione, "Ua oo mai ia te 'au le manatu ia te 'au, ua tatau loa ona e alu, ua ou iloaina nei, o oe e aumaia le MALAIA ia te 'au."

Ia o le malie ia o le mea na tupu e soso'o ai, e alu le fafine ae ua tase'i uma e le fafine ia fagaau a le Falema'i lea na ola ai le tamaloa.