O LE MAILE A LE TAUASO

Tutu lava le tamaloa ae masau mai le maile a le tauaso e ta'ita'i atu lona matai i le auala pisi i totonu o se vai 'aai. Vaai atu tama ua alu le maile ma ave lana 'master' i totonu o le auala.

Oo lelei i le isi itu ala, vaai atu loa le tamaloa, ua tago le tauaso tuu i ai lana mea'ai e ai, masau atu loa le tamaloa lea ua ita tele lava i le valea o le mea lea e fai e le tausao..

Alu atu loa otegia ma le tauaso, "O i a ave lena mea e fafaga ai lou taifau, e te le iloaina semanu e te lua feoti i le valea o le maile."

"Aua le fafaga, leaga e valea" ae fai mai le tauaso, "O le mea lea e tuu i ai lana mea'ai, oute iloa ai le mea lea e i ai le ulu, ona ou tago loa e kiki le muli. Ua e malamalama la."

TIUTE E FAI E LE FAIFEAU

Na fesili mai le isi tamaititi i lona tama, "O le a le mea e fai a le faifeau i aso uma?”, fai mai lona tama, "Ioe, e 'ese le pisi o le faifeau, e masani ona alu e asiasi i le falemai, e masani ona alu i le falepuipui e asiasi i ai."

"E masani foi ona alu e auai i faalapotopotoga, ma alu i pisinisi a le Ekalesia lava ia.  E oo atu i le aso Faraile, ua matua vaivai lava, ia e tele ina fai ai sana malologa i aso Faraile ma aso Toanai.”

Fai mai loa le tamaitiiti, "Oi leitioa la a pe pe ana lauga e fai mai i aso Sa uma lava, o lena la e tele lava ina moe, ae le faia lana galuega na tuu mai ai i totonu o le Ekalesia."