Ads by Google Ads by Google

Tala moni ae kailo

O lo’o ua fa’ailoa mai le to’atele o le aiga o Longani Hafoka ua fa’afeso’ota’ia pea Tonga po’o le a se tala mai ia te ia, aua na sau e tafao mai, ae o lea ua leiloa nei po’o fea o i ai. O Longani e na’o le 22 ona tausaga, ma ua fa’ailoa mai, e le’i maua lava se tala ia te ia.

O lenei talavou, o lo’o asiasi atu i Logan, Brisbane i Ausetalia, ae o lea ua fa’ailoa mai ua leiloa i Waterford. E le o fa’avaivai le sailiga a leoleo i lea a’ai o Ausetalia, aua e le o masani le talavou lenei i lea fo’i ogaeleele o i ai nei o ia.

O le taeao o le aso To’ona’i lea na tupu ai lea fa’aletonu, ma e o’o mai lava i le aso ananafi, e le o maua se malolo a si ona aiga i Tonga fa’apea fo’i Ausetalia, ona e le’i maua lava se tala mai ia Longani. O lo ua fa’asalalauina o le ofu mulimuli lava sa va’aia o ia la’eia o le Mitiafu lanu uliuli e i ai le ata o Bob Marley  ma lona ofuvae uliuli fo’i. E tino polenisia lava o ia, e tusa ma le 182cm lona umi ae tino lelei lava e le puta.

Ua fa’apena lava ona talosagaina le mamalu o lea vai a’ai i Brisbane ina ia alofagia ma fa’ao’o ane se tala i le ofisa o leoleo latalata ane po’o le uepesite  crimestopppers.com.au po’o le vala’au fo’i i le telefoni numera 1-800-333-000.

FITAFITA PERETANIA MALIU POMU

Ua fa’alauiloa mai le suafa o le ali’i fitafita Peretania lea na maliu fa’afuase’i i le pomu na pa i le oagaleele  Babaji i Helmand i le itumalo o Nahr-e Saraj, Afakanisitana, i le aso Sa na te’a nei, ma o ia lea o Sheldon Steel, o se fitafita fanafana mamao. O ia o le fitafita o le vaega a le 5th Battalion a lea Rifles.

E na’o le 20 tausaga, le ali’i fitafita lenei, ma sa ia savalia lana pou i le taimi na pa ai lea pomu ma lavea ai. Ua fa’ailoa mai e lona aiga lo latou misia o Sheldon, ona o ona uiga masani i le aiga, ae maise o se tama e amio lelei.” O le maliu o lenei fitafita ua o’o ai le faitau aofai o fitafita Peretania ua maliliu i le galuega tau fa’ato’ato’a ai le filemu i Iraq i le 390 mai le tausaga e 2001.

O lo’o ua maliu nei Steel ae ua tu’ua lona tina o Victoria, lona uso o Kamron ma ona tuafafine e to’alua o Cody ma Carys ae na ulufale o ia i le Army i le tausaga e 2009. Ua fa’ailoa e si ona aiga, e fiafia tele Steel e i ai i le vaega a le Army a Peretania.

E tele fa’ailoga ua mae’a umia e Sheldon Steel e amata mai lava i lona olaga a’oa’oina mai i le militeri ma auai i tauvaga i totonu o le vaega au. O se fitafita amio tausa’afia ma e fiafia tele e faitala malie ma tausua ma ana uo. O lona umi e 6ft 4inisi, ma e agaalofa lava ia i lona tupu mai i lona aiga, ma e iloga ai fo’i i le vaega au. Fai mai e atigi pusa e fa’atu ai si ona tina matua ma taumafai e kisi i si ana tama i so’o se taeao lava e alu ai i ona tiute fa’afitafita.

I le molimau a ona faia’oga o le Vaega Au, sa tula’i ai le ali’i ta’ita’i ma fa’ailoa, e matua fiafia tele Steel i lana taleni o le fanafana, ma sa vave lava ona fa’auma e ia ana a’oa’oga mo lea tomai i le 2 tausaga, o ia sa tulaga ese fo’i ana taumafaiga i le koleniga o fitafita fa’apitoa mo lenei au masi’i mai e fa’afo’ia fa’afitauli i Iraq ma Afakanisitana.

“O le pomu lenei ua amia ai se tasi o fitafita iloga o le vaega au a Peretania, ma e le o mama ai i lea malo lo latou nofo fa’anoanoa ona o le oti o Steel. Peita’i, e fa’afetaia le taimi atoa sa auai ai Steel i le latou Army, aua o ia o se fitafita sa fa’ata’ita’i i ai nisi, i lona mata’alia ma lona fa’amaoni.”

O se tautalaga mai le ali’i failautusi o le Vaega o le Puipuiga o le Saogalemu Lautele o Peretania, sa ia fa’ailoa ai, “Ua fa’anoanoa atoa Peretania i le maliu fa’afuase’i o lenei fitafita o lana vaega au, ma e le faigofie lagona ua o’otia ai nei o matou loto ma agaga ona ua lagona le fa’anoanoa tele e lona aiga.”