Ads by Google Ads by Google

Tala o Taaloga

TUA VS KOLIATA

 

Ua sainia nei e David Tua e fusu ma le alii o Alexander 'Goliath' Ustinov, 36 tausaga le matua mai Rusia o lo o avea ma numera 7 o le lalolagi i le WBA, IBF. O Ustinov ua 29 ana fusuaga, tasi le faiaina ae 28 manumalo.

 

Na faafetaia e le pulega a Tua le avanoa ua mafai ai ona talia e lenei alii le talosaga la te fusu ma Tua i le aso 31 Aokuso i le maea fusu i Hamilton i Niu Sila.

 

O Tua ua 40 ona tausaga, ae ua 24 masina talu ona le toe fusu, ma o lo o i ai ni isi sa manatu o se mea ula a Tua na faalauiloa, ae tete’i le toatele ina ua faalogo o le numera 7 o le lalolagi lea o le a la fufusu. Na taua e lea alo o le atunuu e faapea, e manaomia le lagolago a le atunuu ao sauni atu mo lenei faamoemoe taua toe faigata.

 

E taofi nisi ua tuai le gaioi a Tuaman, fai mai latou, "E iloa lava e David Higgins ma Dean Lonergan ma le latou 'au lea e tolegia Tua, ae leai ma se fautua i ai ia Tua ua uma ona aso, o le tau fikaina o se a le tau fikaina o se fusu e fusu ai David Tua i le Russia lea. Fai o le umi, ae o le vave foi o ona lima, e vave mamao atu lava ia Tua, lea la e taumafai nei le faiaoga o David Higgins ma Dean Lonergan e taumafai e su'e le auala e oo ai Tua ia Alexander pe a oo i le po lena o le aso Toanai 31 o Aukuso."

 

Na maua loa le faiaoga a David Tua ua malie mai i ai David Higgins na taumafai loa lea e sue sue se auala e maua ai sana fusuaga i le Top 10, o le lalolagi ae te'i loa ua tali mai le 'camp' a Alexander, i le manatu na fusu muamua i le fusu o le lalolagi ma Lennox Lewis i le vaitaimi o saimupini ia Lewis.

 

Na o le isi mea e manao ai le 'camp' a Alexander e faaaoga igoa tuai lea e sauniuni ai i se taimi o le maua ai sana avanoa i le soo se fusi le umia uma e le 'au Klitschko o Wladimir ma Vitali.

 

Ua uma a ona iloa e le faiaoga le faiga e fai ai le umi tele o Alexander Ustinov.

 

E tasi lava le taimi e maua loa avanoa e tu'i ai, soo se mea lava e avanoa, poo le oo e tatau lava ona matua alu ai lona malosi. E taunuu atu i Europa i Sasae e faalogo mai ai le 'au uso Klitscko.

 

Na taua e le faiaoga a Tua e faapea, o se tasi o i laua nei e manumalo i lea fusuaga, o le a maua lona avanoa e fusu ai i le fusi o lo o umia e se tasi o le auuso o Wladimir po o Vitale Klitschko. O Tua ua 58 ana fusuaga ua maea, 52 ana manumalo, 4 faiaina ma tutusa e lua,

 

TOFIA VILIAMU PUNIVALU AVEA MA FAIAOGA TA’ITO’A 7 A SAMOA

 

Ua filifili nei le alii o Viliamu Punivalu e avea nei ma faiaoga fou o le 7 a le Manu Samoa mai le to’a 18 na totoe sa faia i ai le filifiliga.

 

O ai o le a suia nei le faiaoga lea na i ai nei a le Manu Samoa Tausa Faamaoni Lalomilo ma faiaoga i le tausaga e tasi, o ia foi lea sa faiaoga i le tamaiti aoga e lalo ifo o le 20 tausaga le matutua lea na tulaga 9 i le taamilosaga i le tausaga nei lea na faia e Farani.

 

O ia o le faiaoga a le 'au a Vaiala lea na suia mai le alii faiaoga foi i le 'au a Vaiala, ona o le faiga fou lenei o se faiaoga ua fai ai poo ua tuu i ai soo se 'au a Samoa i le 7 poo le 15, e le toe faiaoga i le kalapu na pikiina mai ai.

 

O le malolo lelei lava ae sue si isi tagata e faiaoga i le latou 'au pei ona i ai nei aiaiga ma le Iuni Lakapi a Samoa, e pei uma lava o isi atunuu. E le tolu tausaga talu ai, na ave ai e Stephen Betham le 7 a le Manu Samoa lea na latou maua ina ai le Ipu a le taamilosaga lena i le 2011.

 

Ona mei lea i le tausaga nei i le 15, ae see atu loa Tausa Faamaoni Lalomilo e faiaoga o le 7, e lei i ai se manumalo o le fitu a le Manu Samoa i lenei tausaga atoa.

 

Ia lea la ua manatu ai le pulega i le latou taitaifono le Susuga Tuilaepa Sailele poo le alii Palemia, e suia le faiaoga i le tausaga nei, ona fai a ia, "A vaai atu loa ua leaga faia le isi faiaoga ia sili ona vave sui mai le isi faiaoga, e faia i le taimi vave ma o lea na vave palotaina ai le suiga. Vave fai ai se faiga ae le'i tupu tele le po'u, aua e le le lelei loa ona vave fai i ai se togafiti ia ua papala loa."

 

Fai mai le susuga Viliamu Punivalu, "O le tele nei se suiga o le tou vaai i ai, o le a tumau pea isi tama tuai, ae o le amata ona sui atu i tamaiti laiti lea ua vaai i ai ma talitonu i ai, ou ono mea ma tatau i le 7 a le Manu Samoa."

 

17 NA MALILIU I LE STADIUM I INDONESIA

 

E toa sefulu fitu e na maliliu i le fale taalo na faia ai fusuaga na mafuaga o le solo tetee lea o le faaiuga a faamasino i le fusuaga lea a Alvius Rumkorem ma Yulianus Pigome ina ua aumai le faaiuga e le tala feagai.

 

Na amata mai lenei taamilosaga ia Iulai 9 i Papua na oo mai ai loa i Indonesia ma le suega fusuaga mulimuli a le tama lelei lava nei i o mai Papua ma Indonesia.

 

O le falle na fai ai fusuaga e maua le 500 i le 600 selau tagata e mafai ona matamata ai, ae ina ua feitai le isi atunuu ina ua malo le isi atunuu, lena na tauai loa e le atunuu lea ua faiaina le latou tama i nofoa, ae faasaga atu le atunuu lea ua tauai i atigi fagu ma nofoa le itu lea.

 

Ua laga mai nei i fafo tagata, e lua lava faitotoa o le faletaalo lea, ia ua pau'u nisi a tagata i lalo, le mafuaga la lena na alia ona soli atu e tagata ia e faia le misa o le toasefulu fitu lea.

 

Fai mai le alii Lt. Col. Gede Sumerta, "O le fefe a tagata matutua ma nai fafine i le tauaiga nofoa lea na alai ona sau le tuli i le faitotoa ia e lua, aua e mumusu latou i lavevea i le misa lea ua tupu i totonu o le fale taalo.

 

E tusa e 84 tama fusu lea na amata mai le taamilosaga ia Iulai ae o le aso lea na fai le suega siamupini e paga taitasi lea na aumai loa i Indinosia, ma o le paga lava lenei na fia vaai uma tagata i ai, ae ua seu ai ma le faaiuga a faamasino.

 

Ua maua mai le aofaiga o tagata na maliliu e 11 o fafine ae toaono tagata matutua, e mafai ifo e leoleo ona vavao le tauaiga nofoa, o atigi fagu i totonu ma e maua ifo e sefulu fitu ua maliliu.

 

O Nabire tusa e 3,200 kilometers (2,000 maila) i le itu i Sasae o Jakarta e i le pito i luga o Papua.

 

E UI INA LAITITI AE E AI A LE TAIMI E OONA AI

 

O le tagata pito i laititi lava lea o le taaloga o le faia nei, Aaron Cruden o le Chiefs ma o le tama lea e sui i le fesi manasi a le Crusaders ma o le fesi foi lea a le All Blacks, o Dan Carter.

 

O ia lea faatoa atoa le 22 taaloga faitauina na taalo ai i le All Blacks ma Dan Carter ona ova ma le 77 ana taaloga faitauina, ma i le latou taaloga ma faia nei ma le Crusaders i le taamilosaga na manumalo ai le Crusaders e 43-15 i le malae a le Crusaders i Kalaisetete (Christhurch) i le vaiaso muamua o le masina nei.

 

O le taaloga lena na iloa le matua o Dan Carter, i le faatavaleina o le taaloga atoa i le faiga o le laina i tua, ma le kikiina o le polo, ae na o le talipolo lava o si tama o Cruden i lena taaloga atoa.

 

O le tama o Aaron Cruden faatoa 24 ona tausaga ma o le fesi lona lua foi lea a le All Blacks.

 

"O le taimi nei o le a sui ai loa lo taalo, e 'ese taimi ua te'a 'ese foi taimi nei, o le pau-ma-nofo le mea nei, oute le manao foi la e faaluaina le mea lea na faia e Dan Carter ia te'i matou."

 

Ona toe fai mai foi lea o Cruden, "O le 'au lenei a le Crusader, a oo ina taalo uma tama o le latou 'au, e to'a 8 a tama o le All Blacks lena i ai, o le 'au e lelei uma tagata e taalo mai ai. O le mea lena na tatou vaai ai i le amataga o faapela mai i le 'au, ae ina ua taalo uma le tama o le All Blacks, ma ua atoa le numera ia o le faiga foi lena o le 'au lenei, vanaga ua i ai se mea faafuasei, ina iloa ai lea ua i ai le avanoa o le isi 'au."

 

A e vaai i le paleni uma mai o le 'au, fai o le latou laina i luma, ae o le faasoasaoina mai foi o le polo e le latou fesi lea o Dan Carter.

 

Faaliliuina e Toleafoa Haserota Auvaa