Ads by Google Ads by Google

Taualoa ICTM - faaliga taleni vaega MUSIKA & DRAMA ASCC

Ua fa’ailoa mai le taualoa e le ICTM (International Council for Traditional Music) o le fa’aaliga taleni sa fa’atautaia e le vasega o Musika ma le Drama poo le Fine Arts, tomai e tu’ufa’atasia ai Fa’aaliga Fa’aata Fa’asolo a le Kolisi Tu’ufa’atasi ina ua mae’a ona latou maimoaina le Fa’aaliga o Taleni Musika sa fa’atautaia ia Oketopa 2015.

 

O nei fa’aaliga sa fa’aalia ai nisi o latou ata fa’asolo “Iosefa ma lona Pulupulu Felanulanua’i” ae maise ai o le “Sounds of Samoa” e fa’ailo ai talenia o alo o Amerika Samoa o lo’o tau’avea nei kosi i le kolisi tu’ufa’atasi.

 

O le nusipepa fa’asalalau a le ASCC mo le masina o Fepuari ua fa’ailoa ai lenei taualoaga a le ICTM ma ua fa’afiafiaina ai le Pulega a le Kolisi Tu’ufa’atasi aua o lo’o mo’omia ituaiga fa’amanuiaga fa’apea e una’ia ma fa’amautu ai le latou talosaga e taualoa i latou i Kolisi ma Iunivesite i le itu i sisifo o le Iunaite Setete.

 

I se faamatalaga a le susuga Kuki Tuiasosopo lea o le ta’ita’ifono mo le itu o mataupu tau’ave a le Fine Arts, ma o le faia’oga o le Musika i le Kolisi sa ia ta’ua ai, “O se fiafiaga tele ia i matou o lea itu o le tautua fa’atasi ai ma le fanau a’oga ona ua ausia fo’i lea matati’a. E tatau ona tele ni taualoaga fa’apea e maua e i matou e toe fa’afiafiaina atili ai le fanau a’oga ina ia sailiili atili le atamai ae maise i taleni fa’apenei e fa’aosofia ai le naunau e fa’aleleia atili nei tomai i le fanau fa’atasi ai ma taumafaiga mo fa’ailoga maualuluga.”

 

O le koneseti lea e fa’aigoaina o le “Sounds of Samoa” sa fa’asalalauina ma sa tatala i le maimoaga a le lautele o le atunu’u. O sui sa auai e malaga mai fafo, e aofiai ai le ali’i lauiloa o Dr. Richard Moyle o se ta’ita’i ma taimi musika ta’uta’ua i Niu Sila, le ali’i o Galumalemana Alfred Hunkin ma le afioga Matatumua mai Niu Sila.

 

Na fa’atasia ma le vasega o tatou sui iloga i inei e matua fiafia i lenei taleni ma tomai fa’apitoa tau musika e aofia ai Chande Lutu Drabble, Tapa’au Daniel Aga o le ASCC-Land Grant, fa’apea ma le vasega o faia’oga eseese o le Kolisi ma le fanau a’oga.

 

E ese mai la i le fa’ailo ai lo latou avea o le Fine Arts Dept a le Kolisi o se tasi o vasega ua iloga ona maoa’e le latou fa’atinoga o a’oa’oga ua mae’a a’otauina ai fanau, ae ua avea e i latou Tuiasosopo e avea ma ICTM ma so’oupu i le va ma Amerika Samoa.

 

O le ICTM o se sosaiete o lo ua manana’o ina ia toe taofi mau lava i le pito’afa o lo ua tau motu ese atu i le tulaga o fatuga fa’asamoa moni atoa ai ma isi fo’i atumotu o le Oceania po’o le tatou Alamoana.

 

O lo ua fiafia i latou e fa’aosofia le ofi atu fo’i o Amerika Samoa i lea li’o o taumafaiga lelei e taofi ma fa’amanatu pea a tatou agaifanua nei a’o le’i mamulu atu. So’otaga i Upega Tafa’ilagi: http://www.ictmusic.org.