Tatou ave le faafetai i le Bluesky Communications i le fesoasoani mai i le tuuina atu o tala o le liki kirikiti o le Fu’a o lenei tausaga.

O le liki a Sasa'e i lenei tausaga ua maua ai ni 'ai tetele, i le taaloga a Tama o le 'Esi mai Amouli ma Tama o le Agape'ape'a i le lua vaiaso talu ai, ma na faatu ai e le pulenu'u a Amouli ni 'ai silia.

Ae oo i le aso Lua o le vaiaso lenei na ta'aalo Tama o le 'Esi ma le Fetulele#1 na faapea ai loa le soatamua a le Fetulele, o Fesulu'ai, “La'u tago e ta ni ou ona 'ai se tele, pe a fai lava ua outou mumusu e sapo mai ou ta na e pa'u i totonu o le malae.”

Sa ia taina 'ai e 53 i lea taaloga, ua sili nei 'ai o Fesulua'i ae tumau pea 'ai e 46 lea e nofo ma le Pulenu'u a Amouli o Sanele i le lua vaiaso talu ai.

O le lika a Sisifo, na tu'u e taaalo Le tama o le Lega mai Poloa ma 'au a Faleniu o le 'Tama o le Mua'au' i le isi aso Toana'i, i le taaloga mulimuli o lena aso Toanai.

Na o mai i luma o le fale a le komiti, na talosaga loa le Lega, e manana'o e tolo le taaloga ua leaga le aso (timu), ae le manao i ai Tama o le Mua'au, fai mai Savaliga le kapeteni a Mua'au, e le fetaui pe a toe tu'u atu i se aso o le vaiaso.