E to’afitu ni tamaloloa ua saisaitia ma ua molia e le setete o Ohio ina ua fa’ailoa mai, ua latou fasia ma maliliu ai ni isi o tama talavou ua le 'otia o latou foga, e tusa ai ma se tu fa’a- Amisi [Amish].O ni tamaloloa ma fafine ua ta 'oti nei o latou lauulu ona o le feita na’ua i le fasiga o i latou uma lava ua maliliu talu ai le 'oti o o latou lauulu ma ‘ava ua sele. O i latou ua maliliu ua fa’ailoa mai, ua tete’e i latou i lea aga a tagata i lea a’ai, e le 'otia o latou ulu, pe sele fo’i a latou ava.O le ta’ita’i o nei tagata fa’asaua o le ali’i lea o Samuel Mullet, 66 tausaga le matua, ma ona atali’i e to’atolu, lea ua saisaitia uma nei. Na matua faia lava le fono a leoleo ma o latou ta’ita’i e tusa ai o lenei mata'upu, ma fa’amalamalama atili ai moliaga ua fa’asaga nei i le ali’i matua ma ona atali’i e to’atolu ma ni isi fo’i tamaloloa lava o lo latou vaia’ai.Ua fa’ailoa mai e le ali’i Leoleo o Fred Abdalla i tagata tusitala, O le vaia’ai lenei o Amisi, “ua matua matata’u lava i nei osofa’iga.” Afai nei e te suesuea 'atoa lenei a’ai i Ohio, e te iloa ane ai le to’atele na’ua o tagata o lea lava ituaiga i lea setete, tagata Amisi. E matua fa’ateleina fo’i telefoni e maua e i matou i aso ta’itasi e fa’ailoa mai ai e mo’omia o la matou fesoasoani atu i nei tagata ua fefefe i fa’amata’u a le 'au Amisi, lea e le 'otia lauulu ma ‘ava.“O lo o ua fa’atauina e i latou nei pomu 'ati, o ni Isi ua nonofo lava ma fana, ta loka faitoto’a o latou fale ona o le fefefe lava ia Mullet.” O le to’afitu lea ua saisaitia nei, na se’i sa’o mai lava i latou fale i le aso Lulu, na fa’ailoa mai e le ta’ita’i leoleo, na muamua lava le manana’o e tu’ua e i latou o latou potu, peita’i, na leai sa latou fa’ai’uga e toe faia i le tulafono, ua fa’amalosia lava ma saisaitia i latou nei e to’afitu.O i latou ua saisaitia ma ua molia o: Samuel Mullet, Johnny Mullet, Daniel Mullet, Levi Miller, Eli Miller and Emanuel Schrock, o i latou uma lava nei e omai mai Bergholz; ae o Lester Mullet, e sau mai Hammondsville, e tusa ai o le fa’amaumauga ma le matagaluega o Fa’amasinoga.O moliga nei ua molia ai le to’afitu lea, o lo o latou fa’asaua ua fa’ao’o ai le fasi i tino o e uma ua maliliu ma ni isi o lo o manu’anu’a pea, ae o lo o soifua.O le isi moliaga lea e matele ina tofusia ai nei sui uma o le fai ma le iloa o le sauaga i tagata ma le mautinoa, ma o lo o fa'afefe fo’i le tagata i 'au’upega malolosi, a le faia ona fa’ao’o lea i lea tagata le sauaga, ma fa’amamasagia fo’i le talitonuga o lea tagata i lona Atua. E tapu’eina fo’i ata o e uma latou te fa’ao’o i ai sauaga, ma ta 'oti o latou lauulu.