O LE NEWS LEAGA

Na o i le fomai le ulugalii o Simi ma Ela, e fia talitonu le fafine isi tala a le fomai, 'poo le a le mea ua tupu ia Simi.' Ua uma nei ona faamatala i le fomai le mea lea ua tupu i ai.

Fai atu loa le fafine o Ela, "Ua talu a ina uma le ata lea na matamata ai Simi i le TV, ua te'i lava ua tupu lena mea i ai, ua le toe manogi se 'ai, ua le toe fiafia lava ia te 'au. Oute iloa ua alu le mafaufau i le mea lea na tupu i Arapi."

"O ai la e i ai ?." o le fesili lea a le Fomai, ai fai atu le fafine, "O lana atalii lea e i le Army." fesili mai loa le foma'i, "Ua ou iloaina le mea e fai."

"A malama le taeao, ua vela lana mea'ai e i ai 'bacon' o fuamoa, ma se susu ae le'i taina le 8:00, ia ta ifo le 12:00 ua vela lana tausamiga o le aoauli, ua uma ona falai lelei se mamoe ia ma si oka, ia ma se fa'alifu talo."

"Ia a oo i le afiafi, tautuana ia ta ifo le 7:30 i le afiafi, ua vela lana koko Samoa, o se faalifu talo ia ma se si'usi'u pipi e fai i afiafi uma lava. Mo le sefulu masina lea e alu le tama i le taua."

Fai mai loa le fomai, "Fai faalelei si toeaina, o lena ua alu lana mafaufau i lona atalii, ia vave le fai ina o le kuka i aso uma aua nei tuai, se'i iloga lava ona foi mai si ona atalii faatoa tau lelei mai lea o lona mafaufau."

Ia tago loa le fomai tusi i lalo i le fasi pepa o le api, tuu loa i le fafine, ae o le tilotilo atu ina o le fafine i le faata, ae 'give five' loa le foma'i ma lana toalua.

Ia ua iloa lelei e le fafine, o le uo lelei le toalua lea, o atu loa i le taavale seosofi loa i totonu o le taavale, fesili mai loa tamaloa ia lana toalua, "O le a le mea lea na tusi mai e le fomai ia te oe ?."

Ae fai mai le fafine, "Ua fai o oe ua latalata mai le taimi e te oti ai."