UA SU'E NEI SI POVI PO'A

Na tuli e le tamaloa a Sioge lona toalua e faatau mai se povi po'a i le pa povi a le toeaina o Fala e fai ai le latou pa povi. Ua alu nei le loomatua ma fai atu ia Fala, "Se na ou sau fai mai lo'u toalua, pe mafai a ona faatau atu ma maua lau povi po'a e tau atina'e ai le ma pa povi. O le la ua i ai le ma povi fafine ae toe o se povi po'a."

O Fala e nofo i Savaii ae o Sioge ma Ana e nonofo i Aleipata, fai mai loa le toeaina o Fala, "Ia faatau ma oulua le povi po'a lena e tutu mai i totonu o le pa i le tau e $599. O le tau pau lena ua ou alofa atu i lou sau mamao lava e su'e atu se povi po'a."

Faitau atu loa e Ana le tupe, ua le lava le mea e ave ai le feau faaualesi i Aleipata, ma fai atu loa i le toeaina o Fala, "E fia le totogi o le feau faaualesi faamolemole i ave ai le feau ia Sioge ?."

Ae fai mai Fala, "E .75 sene i le upu" aua e fai le faleoloa a le toeaina lea. Ia fai mai loa le loomatua o Ana, "Tago la e ta atu ai le feau lea. 'COMFORTABLE'." fai mai le toeaina o Fala, "E faafefea ona iloa e Sioge ua maua le povi poa ?." fai mai le loomatua, "E lelei le faitau faaSamoa o le toeaina, ae a oo loa i upu papalagi ona faitau lea faapena e le toeaina, COM-FOR-DA-BULL."

OLE TAGATA E MASANI AI

Na o nei fafine 'blonde' na savalivali lava i luga o le auala (sidewalk) lea ae vaaia loa se mea o taatia mai, i luga o le auala, tago loa i ai le isi o le toalua lea.

E tago atu i ai, o le tama'i faaata, tago loa tatala ma e tilotilo atu, ae vaaia ai lona ata i le faaata, fai mai loa lana tala, "Hmmmmmm, e pei lava oute masani i foliga ia..!!!"

Fai atu loa le isi 'blonde' lea, "Se'i ave ifo ina." E tatala atu le faata lea, ma fai mai loa i le isi 'blonde' lea, "Aaaooo, e te le iloaina o 'au lena e tu mai i totonu iina ? O oe ea ua leaga lou ulu."

Ae fai mai le 'blonde' lea e i le isi itu, "Faapea lava 'au ia ai o oe lea e tate savali faatasi, ao lena foi e sau i totonu o le faata….ha…..ha…..ha."