Ua filifilia nei le ali’i o Peter Slipper e 'avea ma Fofoga Fetalai fou o le Maota Maulalo o le Fono faitulafono a le Malo o Ausetalia, ma ua fa’aalia mai ai, ua fa’ateleina atili ai le malosi o le vaega fa’a Upufai a le Leipa i totonu o le faigamalo lea.Na fa’atuina mai e le susuga Daryl Melham o le vaega lava a le Leipa le ali’i o Slipper ina ua fa’amavae mai le ali’i sa 'avea ma Fofoga Fetalai o le Maota, Harry Jenkins. Na mua’i fa’atuina mai e le itu agai isi sui e to’a 9 a’o le i o’o ane ia Slipper ina ia filifilia mo lea tofiga, ae sa te’ena uma e i latou na fa’atu muamua lea tofiga.O se fa’amatalaga a se tasi iloga o le vaega fa’a'upufai a le Itu Agai - Christopher Pyne na ia fa’ailoa ai lona le fiafia i le mea ua tula’i mai le vaega fa’a'upufai a le Leipa, e fa’apei ai o se mea malie lo latou te’ena mai o le tofiga maualuga o le Maota o Sui fa’apea.“E foliga mai o se mea malie i le vaega a le Leipa lo latou te’ena o le tofia atu e filifili mo le tofi Fofoga Fetalai.” O le taimi la lenei, ua fa’amalosia nei le alu ‘ese mai o le susuga Slipper mai lana vaega a le Koalisi, ae fa’atasi atu i le Leipa ona o lea e sili mamao tagata o le Leipa i totonu o le faigamalo o lo o tula’i mai a le Malo o Ausetalia.O le filifilia o le ali’i o Peter Slipper e 'avea ai ma Fofoga fetalai, sa le faigofie mai, aua sa i ai ni isi o lana lava vaega fa’a'upufai sa le fiafia ia te ia, o ni isi e afua mai lava i le tausaga 1987, a’o ia sapaia le ali’i palemia o lena vaitau Sir John Bjekells Petersen ma faia le kemupeni a le Feterale.E tusa ai ma le fa’amavae o Jenkins mai le tofiga Fofoga fetalai, ma ua filifilia ai nei Slipper, ua ia fa’apea ai, “E sili atu ona tele lo’u avanoa ou te tautala ai i le aiaiga o tulafono ma ni isi lava mata'upu aoga i le Palemene, nai lo le 'avea o a’u ma Fofoga Fetalai, e matua leai lava so’u sao e faia i lena itu pe 'afai ou te Fofoga Fetalai pea.”I le taimi nei ua matele ina to’atele le vaega a le Leipa i le palemene, ua tatau ai ona ou se’ei sa’o e fa’aalia o’u manatu e aoga i le aiaiga o tulafono e fa’atautaia ai le malo o Ausetalia, o so’u aoga tele lea i le malo ma ona tagata lautele, na i lo le 'avea o a’u ma fofoga fetalai, ae le mafai ai ona fa’aalia o’u manatu ma tuli ai se ‘ai mo tagata lautele.