Ads by Google Ads by Google

E faasa isi ae faataga isi oloa styrofoam


[ata: foa'i]

Pago Pago - AMERIKA SAMOA

 

O loo iai le fuafuaga a le malo, e toe iloilo isi ituaiga o oloa Styrofoam pei o coolers ma ice chest, pei ona ta'ua ele Faatonu o le Ofisa o Puipuiga ole Siosiomaga o Amerika Samoa (AS-EPA), le susuga Fa'mao Asalele Jr. i le faatalnoga na fai ile vaiaso talu ai ma le Maota Maualuga. 

 

O le tali a Asalele na tuuina atu ina ua fesiligia e se tasi o Senatoa i ona popolega i le faataga mai ai o 'styrofoam' coolers i lalo o tulafono taufaaofi a le faigamalo e faasa ai ona toe faaaoga polystyrene foam poo styrofoam - i le teritori. 

 

Peita'i e iai le vaega o le tulafono o loo talia ai le faaaoga pea o lea styrofoam, pei o oloa taumafa o lo o faatau mai fafo, e iai trays o faaaoga mo manufasi, moa, i'a, meaai aisa, styrofoam coolers ma ice chest e toe faaaoga ma isi oloa faapena o loo teu mai ai isi oloa e ese mai oloa taumafa. 

 

Na ta'u e Asalele i le Komiti, o le'a amata atu i oloa e gaosi mai le Styrofoam pei o ipu mafolafola, iputi ma clamshell containers e faasolo atu ai le tapu o polystyrene ma faasolo atu i oloa e suia ai e gaosia mai le pepa, lea ua faaaoga ai ile taimi nei i le teritori. 

 

Ma faasolo atu ai lava i isi oloa o loo faataga mai e le tulafono pei o oloa faatau mai trays ma trays o loo faatau mai fafo e teu iai aano o manufasi o loo faatau mai foi i fafo e faleoloa i Amerika Samoa. 

 

Na ta'ua e Asalele, vaega o loo faataga mai tulafono, lea e tulimata'ia e le malo, o styrofoam containers o loo faaoga tele , e faleaiga i taimi o faalavelave. 

 

O le tulafono e le'o afaina ai ipu lapopoa o loo faaaoga mo faalavelave. 

 

O le tali lena a Asalele na toe fesliai lesi Senatoa, pe o iai se isi vaega o le tulafono i le mataupu lea o taatia .  Pe afai o iai, ae aisea e le tuu ai i totonu o le tulafono lea nai lo le ese foi o le taimi e avatu ai ile fono.  

 

Peitai na faamatala e le Faatonu, o oloa styrofoan o loo faaaoga tele i mea fai, ma aafia ai le soifua maloloina lea e ave iai le mata'itu a le faigamalo. 

 

Ma e iai se taimi mulimuliane e tagai ai le malo i isi oloa styrofoam lea e le'o aofia ai i le tulafono i le taimi nei e tapu ai styrofoams. 

 

Mulimuli ane pasia e le Komiti le tulafono ma faamaonia ile Aso Faraile talu ai i lona faitauga mulimuli.  Ae ua faaoo atu le vaega ole tulafono a le Senate i le Maota o Sui ma faataatia atu i komiti.