“E IAI SAU AFI?”

“E iai sau afi?” o se fesili e fesili so’o ai tagata i aso uma o le olaga.  O se fesili e faigofie.  Ma e tatau ona faigofie.  Ae peitai, mo nisi, e le faigofie.

Sa ou tutu i se tulimanu o se auala ma u’u la’u sikaleti.  Ae peitai, ua leai sa’u afi.  Sa ou faatalitali se’i o’u vaai atu i seisi ou te iloa, o le a aisi gofie ai se afi.

Sa ou vaai atu o agai mai se alii ma sa ou manatu ifo, o le a faigofie ona ou aisi i se afi mai lea alii.

“Faamolemole lava lau susuga, ua ou faalavelave atu.  O iai sau afi?” o la’u fesili atu lea.

“Oi ioe,” o le tali mai lea a lenei alii ma a’apa i totonu o le taga o lona ofu.  Na ou vaai atu, ua uma ona po po taga pito i luga, ona tago lea o le alii po po taga o lona ofuvae.  “Faatali mai lava, ou te iloa na iai le afi i totonu o la’u taga.  Se i tago lava e u’u mai la’u faatau lea.”

“Oi, aua le popole pe afai e leai,” o la’u tali faatopetope atu lea.

“E leai se faalavelave.  Ou te masani lava ona feavea’i se afi i totonu o la’u taga.  Oi, e ese le peleue sa ou ofuina ananafi.  E le masani ona ou ofuina le peleue lea,” ua amata ona si’isi’i a’e i luga le leo o le alii i le tau sueina o le afi.

Ua liliu atu i o, ua faliu mai iinei, ua leiloga se mea o lona itu tino ua po po.  Ua togi i lalo lana tootoo sa u’u i lona lima taumatau ae ua amata ona vaaia le avaavau o lana suesue i totonu o vaega eseese o ona laei.

“Se aua le popole.  A e lailoa o lou tai saili o se afi,” o la’u taumafai atu lea e faato’ato’a le mataupu.  “Oka, o lena o le a masaesae ou laei.”

Na o’u te’i i alaga mai o le alii, “Oi a lea!” ma po po lava le taga o lona peleue.

Ua tu’u i totonu lona lima e eli mai i fafo o le afi.  Ae toso mai i fafo lona lima, e le o se afi, ae o se tuaniu.

O le taimi lea na ou oso vave atu lava i totonu o le taavale la’upasese na tu i o ma tafatafa ma augani atu i le avetaavale e vave alu ese loa.

IA MANUIA TOE FUAFUAGA O LENEI VAIASO!