E FAI O LENEI AE O LENA
O LE LA’AU FAATAULAITU
I aso a la ua leva, na tu ai se laau i totonu o le togavao, i se tasi o nu’u. E toatele tagata o le nu’u e latou te iloa e uiga i lea la’au ae leai ma seisi na mafai ona fa’aaoga le mana o lea la’au faataulaitu.
O se tasi la aso, sa alu ai se savalivaliga a se alii laititi i le togavao ae na fa’ate’ia ina ua faafeiloai mai o ia e le la’au.
Na faapea mai iai le la’au, a mafai ona e ta’u mai le upu taulaitu, o le a mafai ona ou ave atu so’o se mea e te manao iai.
Ua mafaufau loloto nei le alii ma taumafai e mate le upu taulaitu e mafai ai ona tali mai le la’au i ona manaoga.
“Abracadabra!” o le valaau atu lea a le alii laititi lenei.!
Ae la e tu lava le la’au e leai se minoi.
“Simon Says!” o le toe valaau atu lea a le alii. Ae ua na o le pupula toto’a mai iai o le la’au.
Na uma uma upu I le mafaufau o lenei alii laititi, ae ua le tali mai le la’au, ua na o le tu lava.
O le le lava o si alii, na ia faapa’u ifo loa i lalo ma faapea, “Se faamolemole la’au, alofa mai.”
O iina na matala mai ai loa ma se faitoto’a i le la’au ma iloa atu ai e le tamaititi lenei se faaupuga e faapea, “Fa’aauau lou mana”.
Na toe faapea atu le tamaititi, “Faafetai la’au”. E le i uma lelei atu le faafetai a lenei alii ae sulugia uma totonu o le la’au i le malamalama.
Ma va’aaia ai e lenei alii laititi le tele ma le anoanoa’i o ni meata’alo ma sukalaki.
Na toe fo’i le alii i le nu’u ma valaau uma ana uo, ma o latou toe fo’i i le la’au ma fai ai le latou pati tele lava.
O le mafuaaga lea e fai mai ai le toatele, o upu mamana ia upu nei, o le “Faamolemole” ma le “Faafetai”
IA MANUIA TOE FUAFUAGA O LENEI VAIASO!