Ads by Google Ads by Google

E FAI O LENEI AE O LENA


[ata: foa'i]

O VAI PALAPALA

Sa va’aia e se tamaloa le nofonofo mai a si ona atalii e 11 tausaga le matua, ma ona foliga fa’anoanoa lava, e pei sa tagi.

“O le a le mea ua tupu?” o le fesili atu lea a le tamaloa i si ona atalii.

Sa tali le alii laititi lenei, “O a’u uo i le a’oga, e nonofo ma faifai mai ia te a’u, fai mai o a’u o le atalii o le faifa’atoaga.  Fai mai na o le pau lava le auala e maua ai e le tatou aiga ia tupe, o lou alu e fufui la’au a tagata.”

Ua tu le tamaloa ua na leiloa po o le a lana tala a fai atu i mafatiaga o si ona atalii.

“Ia sau ta o,” o le fai atu lea a le tamaloa i lona atalii.  “Sau ta o e toto ni ta la’au, pe ono e fa’afiafia ai lou loto.”

Ua u’u lima nei le tamaloa ma si ona atalii laititi ma o la savavali atu i le faatoaga la’au.  Ona ia tago lea ua tu’u i lona atalii ia ni fatu la’au, ma ia faapea atu iai, “O le a ta totoina ni la’au se lua.  O le a ou tago e tausi leisi la’au, ae tago oe e tausi leisi.”

Ona faapea atu lea o le tamaloa i lona atalii, “O le a ou tago e fufui la’u la’au i vai mai i le vaitafe mama, ae alu oe i le palapala lea e tu’u mai i o, e la’u mai ai le vai e fufui ai lau la’au.  Ona ta va’ai lea po o le a le mea e tupu.”

Ua faapena ona fai ma sa fiafia lava le atalii laititi lenei e fui ma tausi lana la’au.  Ma sa faia foi e le atalii e pei ona faatonuina ai o ia e lona tama, ina ia fa’aaoga le vai palapala e fui ai lana la’au.

Ona o’o lea i le tasi aso, ua valaau atu le tamaloa i lona atalii e sau.  Ma ua tago le tamaloa i le faasino atu a la la’au ia sa tausi, i lona atalii ma ia faapea atu iai.  “O le a sau va’ai i la’au ia na ta totoina?”

Ua tilotilo le tamaititi ma lona maofa i le ola lau usiusi o laau ae sa va’aia e le tamaititi, le sili atu ona aulelei o lana la’au i lo la fugalaau sa toto e lona tama.

Ona fesili lea o le tamaititi i lona tama pe aisea, ae o lea sa ia fa’aaogaina ia le vai palapala e fui ai lana la’au.

Sa tali le tama ma faapea mai i si ona atalii, e le taofia le ola o se fugalaau ona o le palapala o le vai, ae e aoga mo le fetalaisa e fesoasoani e ola lauusiusi ai o le la’au.

Ona faapea atu lea o lenei tama i si ona atalii, “O nisi taimi e taumafai ai tagata e togi oe i palapala, ae ia e manatua, e le taofia ai lou ola aulelei.”

[IA MANUIA FUAFUAGA O LENEI VAIASO]