O LE MAMOE MA LE LUKO

I se tasi aso, na au ai se savalivaliga a le alii o Luko e su’e sana mea’ai, ae ona tau atu ai i se mamoe o lo’o ‘ai ‘ai mai ana vao i se fanua.  

Na iloa mamao mai lava e le mamoe ia le savali atu a le Luko ma le tafe o lona faua.

E latalata atu le Luko ae amata ona tagi le mamoe ma ‘ai’oi mai i le luko pe mafai ona fa’atali le aiga o ia, ona ua tumu tele lona manava i le vao.  Ma a ‘ai o ia i le taimi lea e tumu ai lona manava, o lona uiga, e tiga nei le manava a le luko.

Ae ua faapea atu ia le mamoe i le luko, a e tu’u mai se avanoa ou te siva ai, e vave lava ona maui lona manava ma lelei ai mo le aiga o ia.

Ua ioe atu nei le luko.

Ona siva loa lea o le mamoe.  E siva lava le mamoe, ae o lo’o fa’ata’avale polo o le ulu, e tau mafaufau seisi auala e mafai ona sao ai mai i le luko.

Ua te’i le luko ina ua faapea atu le mamoe, e tago mai i lana logo lea o lo’o tautau i lona ua, e matua’i ta leotele, e atili ai ona vave lana siva ma vave ai ona maui lona manava.

Ua fa’apena ona faia e le luko e pei ona fai atu ai le mamoe ma ua ia tago mai i le se’i atu le logo a le mamoe sa tautau i  lona ua, ma ta ma le malosi.

E le’ umi ae fa’ate’ia le alii o luko ina ua va’ai atu, ua sau le tuliga a leoleo mamoe ma a latou la’au ma ma’a e tuli ai o ia.

Ua alu ma le atoa ia le luko ae ua ata leotele ia le mamoe, ua fa’asaoina lona ola.

[IA MANUIA FUAFUAGA O TOTOE I LE FAAIUGA O LENEI VAIASO]