O SE PEPE MA LE MAUGA

I aso ua leva, i totonu o se vaomatua, sa ola ai se pepe e igoa ia Malo, ma o le fiafiaga a lenei pepe, o le felelelelea’i solo, mai i lea la’au, i lea la’au.  Ma e fiafia foi lava e tulituli le susulu mai o le masina.  O aso ma po uma, e felelelelea’i solo ai lenei pepe, i lea nofoaga i lea nofoaga.

O se tasi aso, na va’aia ai e le Pepe ia se mauga maualuga lava, e fai lava sina mamao ma i luga o le mauga, ua malamalama uma i le susulu matagofie o le la.  Ua tu’ufesili le pepe, po o ai seisi e fia a’e i luga o le la mauga maualuga.

Ae e le’i iloa atu e le pepe lenei, ia se loi, e nofo latalata ane lava i le mea o iai le pepe.  Ma e le’i iloa atu foi e le pepe, o aso uma, e pe’a ai lenei loi i luga o le mauga.  Ma e tusa lava pe timuga, vevela o le la, po o le agi o le savili, e le tu’ua ai lava le pe’a o le loi i luga o le mauga.

O se tasi afiafi, ina ua amata ona toe fo’i ifo le la i lona nofoaga tumau, sa va’aia ai e le pepe se malamalama i luga o le mauga.  Ma ua ova le faitala o le pepe, na lele atu ai e va’ai po o le a lea malamalama.  Ma le o’o atu o le pepe, na ia va’aia a le loi o lo’o nofonofo ma matamata i le goto ifo o le la. 

Ma o le taimi muamua lea ua fa’ato’a o’o ai le pepe o Malo i luga o le tumutumu o le mauga, ma ia va’aia se va’aiga mata’utia ma le matagofie, lea e va’aia e le loi i afiafi uma, pe a taunu’u lana faigamalaga i luga o le mauga.

[IA MANUIA FUAFUAGA O TOTOE O LENEI VAIASO]